یوکرین میں تعینات مغربی فوجیں روسی فوج کا ہدف بنیں گی ، ولادیمیر پیوٹن کا انتباہ

ہفتہ 6 ستمبر 2025 08:20

ماسکو (اُردو پوائنٹ اخبارتازہ ترین - اے پی پی۔ 06 ستمبر2025ء) روسی صدر ولا یمیر پیوٹن نےخبردار کیا کہ اگر کسی بھی مغربی ملک کی فوجیں یوکرین میں تعینات کی گئیں تو وہ روسی فوج کا ہدف بنیں گی۔ تاس کے مطابق ان کا کہنا تھا کہ روس کسی بھی صورت یوکرین کی نیٹو میں رکنیت قبول نہیں کرے گا۔

(جاری ہے)

انہو ں نے روس کے مشرق بعید کے شہر ولادی ووستوک میں ایک اقتصادی فورم کے دوران کہا کہ اگر یوکرین میں کسی بھی ملک کی افواج تعینات کی گئیں، خصوصاً اب جب لڑائی جاری ہے، تو ہم انھیں روسی فوج کے لیے جائز ہدف تصور کریں گے۔

انھوں نے مزید کہا کہ روس یوکرینی صدر ولودیمیر زیلینسکی سے ملاقات کے لیے موزوں ترین جگہ ماسکو کو سمجھتا ہے، اور اس دوران روس یوکرینی وفد کو سو فی صد سکیورٹی اور تحفظ فراہم کرے گا۔ روسی صدر کا یہ بیان فرانسیسی صدر کے اُس بیان کے ایک روز بعد سامنے آیا ہے جس میں عمانویل ماکروں نے کہا تھا کہ 26 ممالک نے جنگ کے بعد یوکرین کو سکیورٹی ضمانتیں دینے کا وعدہ کیا ہے، جن میں بری، بحری اور فضائی افواج بھی شامل ہو سکتی ہیں۔