جمعیت علما اسلام ضلع کوئٹہ 8 ستمبر کو ہونے والے شٹر ڈوان ہڑتال کی حمایت کا اعلان کرتی ہے

اتوار 7 ستمبر 2025 20:25

oکوئٹہ (اُردو پوائنٹ اخبارتازہ ترین - آن لائن۔ 07 ستمبر2025ء)جمعیت علمائے اسلام ضلع کوئٹہ کے ترجمان نے اپنے جاری کردہ پریس ریلیز میں کہا کہ جمعیت علما اسلام ضلع کوئٹہ 8 ستمبر کو ہونے والے شٹر ڈوان ہڑتال کی حمایت کا اعلان کرتی ہے تاجر برادری سے اپیل کرتے ہیں کہ وہ 8 ستمبر کو احتجاجی طور پر دوکانوں کو بند رکھے انہوں نے کہا کہ سردار اختر جان مینگل اور محمود خان اچکزئی پر ہونے والے خودکش حملے کی شدید الفاظ میں مذمت کی ہے۔

(جاری ہے)

انہوں نے حکومتِ وقت سے مطالبہ کیا ہے کہ واقعے کی شفاف تحقیقات کے لیے ایک اعلی سطحی کمیشن تشکیل دیا جائے انہوں نے کہا کہ صدر آصف علی زرداری اور وزیراعظم شہباز شریف سے اپیل کی ہے کہ شہدا اور زخمیوں کے لیے مالی امداد کا اعلان کریں انہوں نے مزید کہا کہ جمعیت علمائے اسلام ضلع کویٹہ ایسے واقعات کی سخت الفاظ میں مذمت کرتی ہے اور حکومت سے مطالبہ کرتی ہے کہ مولانا فضل الرحمن، سردار اختر مینگل، محمود خان اچکزئی سمیت تمام قومی اور صوبائی جماعتوں کے قائدین کی جانوں کے تحفظ کو یقینی بنایا جائے انہوں نے مزید کہا کہ ایک سوچے سمجھے سازش کے تحت بلوچستان کی حالات کو خراب کیا جارہا ہے۔