Live Updates

ی*سیلابی صورتحال سے نمٹنے کے لیے صوبائی، ضلعی اور بلدیاتی اداروں کو تیار رہنے کا حکم

: صدر مملکت کی سندھ میں ممکنہ شدید بارشوں پر ادارے الرٹ رہیں،حب ڈیم سمیت آبی ذخائر کی سطح پر کڑی نظر رکھنے کی ہدایت ح*شہری و ساحلی علاقوں میں پیشگی انتظامات یقینی بنائے جائیں، صدر زرداری

اتوار 7 ستمبر 2025 21:10

wاسلام آباد (اُردو پوائنٹ اخبارتازہ ترین - آن لائن۔ 07 ستمبر2025ء) صدر مملکت آصف علی زرداری نے سندھ میں متوقع شدید بارشوں کے پیش نظر تمام اداروں کو الرٹ رہنے اور مؤثر اقدامات اٹھانے کی ہدایت کی ہے۔صدر مملکت نے کہا کہ صوبائی، ضلعی اور بلدیاتی ادارے ممکنہ سیلابی صورتحال سے نمٹنے کے لیے ہمہ وقت تیار رہیں۔ شہری علاقوں، خصوصاً نشیبی و ساحلی مقامات پر پیشگی انتظامات کو یقینی بنایا جائے تاکہ عوام کو کسی قسم کی مشکلات کا سامنا نہ کرنا پڑے۔

(جاری ہے)

انہوں نیحب ڈیم اور دیگر آبی ذخائر میں پانی کی سطح پر مسلسل نظر رکھنے اور بروقت اقدامات کرنے کی ہدایت دیتے ہوئے کہا کہ عوام کو محفوظ مقامات پر منتقلی کے لیے انتظامات مکمل رکھے جائیں۔صدر زرداری نے عوام پر زور دیا کہ وہ احتیاطی تدابیر اختیار کریں اور حکومتی ہدایات پر مکمل عمل کریں۔ انہوں نے مزید کہا کہ ضلعی اور تحصیل سطح پر ریلیف مشینری اور عملہ ہر وقت مستعد رہے، جبکہ میڈیا اور مقامی انتظامیہ عوامی آگاہی مہم میں متحرک کردار ادا کرے۔