ملکی بقاء و ترقی قائداعظم کے اصولوں پر عمل میں مضمر ہے‘ مریم نواز شریف

ْقائد اعظم کے افکار ایمان، اتحاد اور تنظیم کے بغیرمنزل حاصل نہیں ہو سکتی‘وزیر اعلیٰ پنجاب

جمعرات 11 ستمبر 2025 13:41

ملکی بقاء و ترقی قائداعظم کے اصولوں پر عمل میں مضمر ہے‘ مریم نواز شریف

لاہور (اُردو پوائنٹ اخبارتازہ ترین - این این آئی۔ 11 ستمبر2025ء) وزیراعلیٰ پنجاب مریم نواز شریف نے کہا ہے کہ پاکستان کی بقاء اور ترقی قائداعظم کے اصولوں پر عمل میں مضمر ہے۔اپنے بیان میں وزیر اعلیٰ مریم نواز نے بابائے قوم قائداعظم محمد علی جناح کی 77ویں برسی پر انہیں خراجِ عقیدت پیش کیا ہے۔

(جاری ہے)

مریم نواز شریف نے کہا کہ قائداعظم کا کردار صداقت، دیانت اور بے خوف قیادت کی روشن مثال ہے، قائد اعظم کے افکار ایمان، اتحاد اور تنظیم کے بغیرمنزل حاصل نہیں ہو سکتی، قائد اعظم کی طرح ذات سے اوپر اٹھ کر پاکستان کی تعمیر اور حفاظت کرنی ہے۔

وزیراعلی پنجاب کا مزید کہنا تھا کہ پاکستان کو قائد اعظم کی فکر کے مطابق انصاف، رواداری اور ترقی کی منزل کی طرف لے جا رہے ہیں، قائداعظم کی فکرچراغِ راہ اور اصول ہماری حصول منزل کے ضامن ہیں، اللہ تعالی ہمیں قائد اعظم کے خواب کو تعبیر دینے کی توفیق عطا فرمائے۔