وزیر خارجہ سے مصری ہم منصب کا ٹیلیفونک رابطہ، قطر پر اسرائیلی حملوں کی مذمت

دونوں رہنمائوں نے دوحا پر اسرائیل کے بلا اشتعال حملوں پر گہرے تحفظات کا اظہار

ہفتہ 13 ستمبر 2025 20:05

اسلام آ باد (اُردو پوائنٹ اخبارتازہ ترین - این این آئی۔ 13 ستمبر2025ء)وزیر خارجہ اسحاق ڈار سے مصری ہم منصب نے ٹیلی فون پر رابطہ کیا، جس میں دونوں رہنماں نے قطر پر اسرائیلی حملوں کی مذمت کی۔

(جاری ہے)

ترجمان دفتر خارجہ کے مطابق نائب وزیراعظم و وزیر خارجہ سینیٹر محمد اسحاق ڈار سے مصر کے وزیر خارجہ ڈاکٹر بدر عبدالعاطی نے ٹیلی فونک رابطہ کیا، جس میں دونوں رہنماں نے دوحا پر اسرائیل کے بلا اشتعال اور غیر قانونی حملوں کی شدید الفاظ میں مذمت کی اور اس معاملے پر گہرے تحفظات کا اظہار کیا۔گفتگو کے دوران دونوں رہنماں نے دوحا میں ہونے والے آئندہ اسلامی تعاون تنظیم کے وزرائے خارجہ کے اجلاس کی تیاریوں، طریقہ کار اور تفصیلات پر بھی مشاورت کی، یہ اجلاس اتوار 14ستمبر کو منعقد ہوگا۔