وزیرخارجہ سے امریکی ہم منصب کا رابطہ، تعلقات میں مثبت پیش رفت پر اظہار اطمینان

علاقائی اور بین الاقوامی امور پر بھی تبادلہ خیال ‘ پاک امریکا تعلقات کو مزید مضبوط بنانے کے عزم کا اعادہ کیا گیا

اتوار 14 ستمبر 2025 11:55

اسلام آباد(اُردو پوائنٹ اخبارتازہ ترین - این این آئی۔ 14 ستمبر2025ء)نائب وزیراعظم و وزیرِ خارجہ اسحٰق ڈار سے امریکی وزیرِ خارجہ مارکو روبیو نے ٹیلیفونک رابطہ کیا ہے۔

(جاری ہے)

ترجمان دفتر خارجہ کے مطابق اسحاق ڈار اور مارکو روبیو نے پاکستان اور امریکا کے مختلف شعبوں میں تعاون پر بات چیت کی۔ دوطرفہ تعلقات میں مثبت پیش رفت پر اطمینان کا اظہار کیا گیا۔دونوں رہنماؤں نے علاقائی اور بین الاقوامی امور پر بھی تبادلہ خیال کیا۔ پاک امریکا تعلقات کو مزید مضبوط بنانے کے عزم کا اعادہ کیا گیا۔