آصفہ بھٹو نے سرویکل کینسر سے بچاؤ کی ویکسین کی مہم کو سنگ میل قرار دیدیا

سرویکل کینسر وہ واحد کینسر ہے جس سے ویکسین کے ذریعے بچاؤ ممکن ہے، والدین یقینی بنائیں ‘بیان جاری

پیر 15 ستمبر 2025 13:36

آصفہ بھٹو نے سرویکل کینسر سے بچاؤ کی ویکسین کی مہم کو سنگ میل قرار ..

کراچی(اُردو پوائنٹ اخبارتازہ ترین - این این آئی۔ 15 ستمبر2025ء)خاتون اول آصفہ بھٹو زرداری نے سرویکل کینسر سے بچاؤ کی ویکسین کی مہم کو سنگ میل قرار دے دیا۔ایک بیان میں انہوں نے کہا کہ ہم پہلی مرتبہ لڑکیوں کو ایچ پی وی وائرس سے بچاؤ کی ویکسین لگانے کی قومی مہم کا آغاز کر رہے ہیں۔آصفہ بھٹو کا کہنا ہے کہ سرویکل کینسر وہ واحد کینسر ہے جس سے ویکسین کے ذریعے بچاؤ ممکن ہے، والدین یقینی بنائیں کہ ان کی 9 سے 14 سال کی بیٹیوں کو سرویکل کینسر کی ویکسین ضرور لگے۔

(جاری ہے)

انہوں نے یہ بھی کہا کہ آئیے مل کر اپنی بیٹیوں کے لیے ایک صحت مند مستقبل یقینی بنائیں۔دوسری جانب لڑکیوں میں ہیومن پیپلوما وائرس سے ہونے والے سرویکل کینسر سے بچاؤ کی ویکسینیشن مہم کا آغاز ہو گیا۔خاتونِ پاکستان گرلز اسکول میں انسداد ایچ پی وی مہم کا افتتاح وزیر صحت سندھ عذرا پیچوہو نے کیا۔تقریب میں وزارتِ صحت، ڈبلیو ایچ او، عالمی این جی او اور یونیسف سمیت دیگر اداروں کے نمائندوں نے شرکت کی۔محکمہ صحت سندھ کی جانب سے کہا گیا ہے کہ 9 سے 14 سال کی بچیوں کو انسداد ایچ پی وی کی ویکسین مفت فراہم کی جائے گی، ایچ پی وی ویکسین تمام سرکاری اسکولوں و صحت مراکز پر دستیاب ہو گی۔