نواز شریف اچانک لندن چلے گئے، طویل قیام کا امکان، اہم ملاقاتیں بھی شیڈول

نواز شریف کا لندن میں قیام تقریباً دو ہفتے طویل ہونے کا امکان ،اہم ملاقاتیں بھی شیڈول

پیر 15 ستمبر 2025 12:20

نواز شریف اچانک لندن چلے گئے، طویل قیام کا امکان، اہم ملاقاتیں بھی ..

لاہور(اُردو پوائنٹ اخبارتازہ ترین - این این آئی۔ 15 ستمبر2025ء)پاکستان مسلم لیگ (ن)کے صدر و سابق وزیراعظم نواز شریف لاہور سے لندن کیلئے روانہ ہوگئے۔ذرائع کے مطابق نوازشریف غیرملکی ایئرلائن کی پرواز کے ذریعے لاہور سے لندن کیلئے روانہ ہوئے ۔ نوازشریف کا لندن میں قیام تقریباً دو ہفتے طویل ہونیکا امکان ہے،نواز شریف لندن میں اپنا معمول کا طبی معائنہ بھی کروائیں گے۔

(جاری ہے)

ذرائع کا کہنا ہے کہ نواز شریف لندن میں اہم ملاقاتیں بھی کریں گے۔یاد رہے کہ کچھ روز قبل صدر مسلم لیگ (ن) میاں نواز شریف نے پنجاب انسٹی ٹیوٹ آف نیوروسائنسز میں اپنا چیک اپ بھی کرایا تھا، جہاں ان کی گردن کی ایم آر آئی بھی کی گئی تھی، نواز شریف کو پٹھوں میں درد کی شکایت سامنے آئی تھی۔اس سے قبل سابق وزیراعظم نواز شریف رواں سال جون میں بھی لندن گئے تھے۔