حولہ ہنڈی اور غیرقانونی کرنسی ایکسچینج میں ملوث ملزم گرفتار، ملکی ، غیرملکی کرنسی برآمد

اتوار 21 ستمبر 2025 16:11

کوئٹہ(اُردو پوائنٹ اخبارتازہ ترین - این این آئی۔ 21 ستمبر2025ء) ایف آئی اے کمپوزٹ سرکل تفتان نے حولہ ہنڈی اور غیرقانونی کرنسی ایکسچینج میں ملوث ملزم کو گرفتار کرکے ملکی اور غیرملکی کرنسی قبضے میں لے لی۔

(جاری ہے)

ایف آئی اے ترجمان کے مطابق ڈی جی ایف آئی اے رفعت مختار راجہ کی ہدایت پر حوالہ ہنڈی اور غیر قانونی کرنسی ایکسچینج میں ملوث ملزمان کے خلاف کریک ڈاون جاری ہے ایف آئی اے کمپوزٹ سرکل تفتان نے تفتان میں کارروائی کرتے ہوئے حوالہ ہنڈی اور غیر قانونی کرنسی ایکسچینج میں ملوث ملزم شادی خان کو گرفتار کرکے اسکے قبضے سے 475 ملین ایرانی ریال اور 60 امریکی ڈالر ، 2 لاکھ 59 ہزار روپے اور موبائل فون برآمدکرلیا۔

ترجمان نے بتایا کہ ایف آئی اے نے ملزم کے قبضے سے حولہ ہنڈی اور غیرقانونی ایکسچینج سے متعلق ریکارڈ بھی قبضے میں لے لیا ہے ملزم بغیر لائسنس کرنسی ایکسچینج کا کاروبار کررہا تھا جبکہ ملزم کے دیگر ساتھیوں کی گرفتاری کیلئے چھاپے مارے جارہے ہیں ۔