ماہرہ کو پہلی بار میں نے ہی وی جے ہائر کیا تھا، وجاہت رئوف

ہانیہ عامر کو میں نے شوبز میں انٹری دلوائی لیکن درحقیقت ہانیہ گزشتہ 4 سے 5سالوں سے کام کررہی تھی

منگل 23 ستمبر 2025 15:06

ماہرہ کو پہلی بار میں نے ہی وی جے ہائر کیا تھا، وجاہت رئوف

کراچی (اُردو پوائنٹ اخبارتازہ ترین - این این آئی۔ 23 ستمبر2025ء)پاکستان کے معروف ڈائریکٹر اور پروڈیوسر وجاہت رف نے انکشاف کیا ہے کہ سپر اسٹار ماہرہ خان کو انہوں نے ہی پہلی مرتبہ بطور وی جے ہائر کیا تھا۔معروف فلم ساز وجاہت رف اہلیہ پروڈیوسر شازیہ وجاہت کے ہمراہ جیو پوڈکاسٹ میں شریک ہوئے۔اس دوران میزبان مبشر ہاشمی کے سوال پر وجاہت رف نے وضاحت دی کہ عام تاثر ہے کہ ہانیہ عامر کو میں نے شوبز میں انٹری دلوائی لیکن درحقیقت ہانیہ گزشتہ 4 سے 5سالوں سے کام کررہی تھی۔

اس دوران وجاہت ر ف نے انکشاف کیا کہ سپر اسٹار ماہرہ خان کو میں نے پہلی مرتبہ آگ ٹی وی پر بطور وی جے جاب دی تھی۔ماہرہ کو ہائر کرنے سے متعلق وجاہت نے بتایا کہکئی سالوں قبل میں ایک لانچنگ تقریب میں شریک تھا جس دوران ماہرہ پر میری نظر پڑی، میں نے ماہرہ کو ڈانس کرتے دیکھا اس پورے ایونٹ میں ماہرہ واضح انداز میں ایونٹ انجوائے کررہی تھیں۔

(جاری ہے)

وجاہت رئوف کے مطابق اس کے بعد میں نے ماہرہ کو بطور وی جے اپنے چینل پر ہائر کرنے کی ٹھان لی، ہائرنگ کے بعد میری ماہرہ سے کمٹمنٹ ہوئی کہ وہ مجھے براہ راست ہی رپورٹ کریں گی اس کے بعد ماہرہ نے اس چینل پر 3 سے 4 سال کام کیا، جب سے آج تک میرا ماہرہ سے بڑا قریبی تعلق ہے۔ ماہرہ خان کے ساتھ کام کرنے کے سوال پر وجاہت رف اور ان کی اہلیہ شازیہ وجاہت نے بتایا کہ ماضی میں ہم کئی مرتبہ ماہرہ کے ساتھ کام کرنے کا ارادہ کرچکے ہیں لیکن کبھی معاوضے اور کبھی مصروفیات کی وجہ سے یہ سلسلہ آگے نہیں بڑھ سکا مگر مستقبل میں ہم ماہرہ اور فواد دونوں کے ساتھ کام کا ارادہ رکھتے ہیں۔