سپین کے وزیر اعظم کا فلسطینی ریاست کو اقوامِ متحدہ کی مکمل رکنیت دینے کا مطالبہ

ہمیں ظلم و بربریت کو روکنے اور امن کو ممکن بنانے کے لیے فوری اقدامات کرنے چاہئیں. ہسپانوی وزیراعظم

میاں محمد ندیم منگل 23 ستمبر 2025 14:33

سپین کے وزیر اعظم کا فلسطینی ریاست کو اقوامِ متحدہ کی مکمل رکنیت دینے ..

نیویارک(اردوپوائنٹ اخبارتازہ ترین-انٹرنیشنل پریس ایجنسی۔23 ستمبر ۔2025 ) سپین کے وزیر اعظم پیڈرو سانچیز فلسطینی ریاست کو اقوامِ متحدہ کی مکمل رکنیت دینے کا مطالبہ کرتے ہوئے کہا کہ یہ کانفرنس ایک سنگِ میل کی نشاندہی کرتی ہے لیکن یہ اختتام نہیں بلکہ صرف آغاز ہے.

(جاری ہے)

اقوام متحدہ میں فرانس اور سعودی عرب کی سربراہی میں کانفرنس سے خطاب کے دوران انہوں نے کہا کہ ریاست فلسطین کی اس تنظیم میں شمولیت کا عمل دوسری ریاستوں کے ساتھ برابری کی بنیاد پر جلد از جلد مکمل ہونا چاہیے‘ا ہمیں ظلم و بربریت کو روکنے اور امن کو ممکن بنانے کے لیے فوری اقدامات کرنے چاہئیں. ہسپانوی وزیراعظم غزہ میں اسرائیل کے تباہ کن حملوں کے سخت ترین ناقدین میں سے ایک ہیں آئرلینڈ اور ناروے کے ساتھ سپین نے پہلے ہی مئی میں فلسطینی ریاست کو تسلیم کر لیا تھا انہوں نے سپین کی ویولٹا سائیکلنگ ریس میں خلل پیدا کرنے والے فلسطینی حامی مظاہرین کی تعریف کی جس کے بعد اسرائیلی وزیرخارجہ گیڈون سار نے حال ہی میں سانچیز کو ”یہود مخالف” اور جھوٹا قرار دیا سانچیز پر اس زبانی حملے کے بعد سپین نے میڈرڈ میں اسرائیل کے اعلیٰ سفارت کار کو طلب کیاتھا.