اسٹاک مارکیٹ میں کاروبار کا شان دار آغاز

گزشتہ ہفتے بھی بازارِ حصص میں زبردست تیزی دیکھی گئی تھی، انڈیکس بلند ترین سطح پر پہنچ گیا تھا

پیر 29 ستمبر 2025 11:15

کراچی(اُردو پوائنٹ اخبارتازہ ترین - این این آئی۔ 29 ستمبر2025ء)پاکستان اسٹاک مارکیٹ میں کاروبار کا شاندار آغاز ہواجس کے نتیجے میں انڈیکس نئی بلند ترین سطح پر پہنچا۔کاروباری ہفتے کے پہلے ہی دن بازارِ حصص میں مارکیٹ کا آغاز ریکارڈ ساز ثابت ہوا، جس کے نتیجے میں کے ای ایس سی 100 انڈیکس ایک بار پھر بلند ترین سطح کو چھو گیا ہے۔

(جاری ہے)

پیر کے روز پی ایس ایکس میں 659 پوائنٹس کی تیزی کے ساتھ کاروبار شروع ہوا، جس کے نتیجے میں کے ایس ای 100 انڈیکس بڑھ کر ایک لاکھ 62 ہزار 916 پوائنٹس کی نئی بلند ترین سطح پر پہنچا۔

واضح رہے کہ گزشتہ کاروباری ہفتے کے آخری روز بھی بازارِ حصص میں زبردست تیزی کا رجحان دیکھا گیا تھا، جس کی وجہ سے مارکیٹ نے تاریخ کی بلند ترین سطح کو چھو لیا تھا۔ جمعہ کے روز ہنڈرڈ انڈیکس 1901 پوائنٹس کے ساتھ ایک لاکھ 61 ہزار 181 پوائنٹس کی سطح پہنچ گیا تھا۔