بنکاک کے باکسنگ رِنگ میں بھارت رسوا، پاکستان کے سمیرخان عالمی چیمپئن بن گئے

پیر 29 ستمبر 2025 17:27

اسلام آباد (اُردو پوائنٹ اخبارتازہ ترین - اے پی پی۔ 29 ستمبر2025ء) باکسنگ کے میدان میں پاکستانی باکسر سمیر خان نے تاریخ رقم کردی۔ پہلی بار یوتھ ورلڈ بینٹم ویٹ عالمی ٹائٹل سمیر خان نے پاکستان کے نام کر دیا ۔سمیر خان نے بھارتی حریف بنٹی سنگھ کو ناک آؤٹ کر کے ٹائٹل جیت لیا ۔52 کلوگرام کیٹگری کے مقابلہ میں سمیر خان کھیل کے آغاز سے ہی حریف بھارتی باکسر پر حاوی رہے۔

(جاری ہے)

سمیر خان کے "جیٹ سیلیبریشن" انداز نے بھارتی حریف کا اعتماد متزلزل کر دیا ۔ریفریز کے متفقہ فیصلہ نے سمیر خان کو فاتح قرار دیا۔سمیر خان نے ٹائٹل جیتنے پر اپنے تاثرات کا اظہار کرتے ہوئے کہا کہ میں تمام پاکستانیوں کا تہہ دل سے شکریہ ادا کرتا ہوں جنہوں نے میرا ساتھ دیا اور دعاؤں میں یاد رکھا،میں اپنی کامیابی کو پاک فوج اور پاک فوج کے شہداکے نام کرتا ہوں۔باکسر سمیر خان کی یہ جیت انفرادی نہیں بلکہ پورے پاکستان کے لئے باعثِ فخر ہے۔