سٹیٹ بینک آف پاکستان نے الیکٹرانک بائیکس اور رکشہ اسکیم کا اعلان کر دیا

ایک لاکھ 16 ہزار الیکٹرانک بائیکس فراہم کی جائیں گی جب کہ 3 ہزار 170 رکشے اور لوڈرز فراہم کیے جائیں گے

پیر 29 ستمبر 2025 20:10

کراچی (اُردو پوائنٹ اخبارتازہ ترین - این این آئی۔ 29 ستمبر2025ء)اسٹیٹ بینک آف پاکستان (ایس بی پی)نے الیکٹرانک بائیکس اور رکشہ اسکیم کا اعلان کر دیا۔اسٹیٹ بینک نے بتایا کہ اسکیم کے تحت ایک لاکھ 16 ہزار الیکٹرانک بائیکس فراہم کی جائیں گی جب کہ 3 ہزار 170 رکشے اور لوڈرز فراہم کیے جائیں گے۔اسٹیٹ بینک نے مزید بتایا کہ اسکیم کی گاڑیاں دو مرحلوں میں فراہم ہوں گی، ای بائیکس کے لیے 2 لاکھ روپے قرض دیا جائے گا، الیکٹرانک رکشے اور لوڈرز کے لیے 8 لاکھ 80 ہزار روپے قرض دیا جائے گا۔

(جاری ہے)

اسٹیٹ بینک نے بتایا کہ پہلے مرحلے میں 40 ہزار ای بائیکس اور 1 ہزار ای رکشیاور لوڈرز فراہم کیے جائیں گے۔اسٹیٹ بینک کے مطابق دوسرے مرحلے میں 76 ہزار ای بائیکس اور 2 ہزار 171 ہزار رکشے اور لوڈرز فراہم ہوں گے، ای بائیکس 25 فیصد خواتین کو فراہم کی جائیں گی، 10فیصد ای بائیکس کاروبار کرنے والے افراد اور کوریئرز کو فراہم ہوں گی، فلیٹ آپریٹرز کو 30 فیصد رکشے اور لوڈرز فراہم کییجائیں گے، فلیٹ آپریٹرز کی اہلیت اسٹیرنگ کمیٹی طے کرے گی۔اسٹیٹ بینک نے بتایا کہ ای بائیکس کا قرض 2 سال اور ای رکشہ قرض 3 سال کے لیے ہوگا، قرض کی پرائسنگ اسلامی اور روایتی بینک، کائیبور پلس 2.75 فیصد پر ہوگی، صارف کو قرض صفر فیصد مارک پر ملے گا۔