Live Updates

آئی سی ایم ایس کرکٹ کلب نے آل پاکستان کرکٹ ٹورنامنٹ کے فائنل کیلئے کوالیفائی کرلیا

منگل 30 ستمبر 2025 19:05

پشاور(اُردو پوائنٹ اخبارتازہ ترین - این این آئی۔ 30 ستمبر2025ء) آئی سی ایم ایس کرکٹ کلب پشاور نے الفیصل کرکٹ کلب اٹک راولپنڈی ریجن کو 16 رنز سے شکست دیکر پی سی بی آل پاکستان انٹر کلب کرکٹ ٹورنامنٹ (سٹیج 3) کے فائنل کے لئے کوالیفائی کر لیا۔ فائنل میں آئی سی ایم ایس کلب کا مقابلہ پاکستان کلب کراچی سے ہوگا۔ ٹورنامنٹ میں ملک بھر سے 332 کلبوں کی ٹیموں نے حصہ لیا۔

آئی سی ایم ایس کلب نے پہلے بیٹنگ کرتے ہوئے مقررہ 40 اوورز میں چھ وکٹوں کے نقصان پر 284 رنز بنائے۔

(جاری ہے)

عباس علی 111، عباس آفریدی 45، اعظم خان 36 اور ظہور 31 رنز کے ساتھ نمایاں رہے۔ الفیصل کلب کی جانب سے عمر خان اور بدر الدین نے ایک ایک جبکہ رانا فصیح اور سیف الرحمن نے دو دو کھلاڑیوں کو آؤٹ کیا۔ جواب میں الفیصل کلب کی ٹیم 268 پر آؤٹ ہوگئی۔ سیف الرحمن نے 101، عاطف خان نے 44، رانا فصیح اللہ نے 31 اور عثمان غنی نے 24 رنز بنائے۔ آئی سی ایم ایس کلب کی جانب سے عبید اللہ نے چار، عزیز اللّٰہ اور عمران نے دو دو وکٹیں حاصل کیں۔ غیور حسین اور فاروق جان نے امپائرنگ جبکہ شہیر اقبال نے سکورر کے فرائض انجام دیئے۔