کھانا اور دوا کوئی خطرہ نہیں، بلاول بھٹو زرداری نے گلوبل صمود فلوٹیلا کو اسرائیل کی جانب سے روکے جانے پر ردعمل

اسرائیل نے گلوبل صمود فلوٹیلا کو روک کر ڈاکٹروں اور رضاکاروں کو حراست میں لے کر انسانیت پر کھلا حملہ کیا ہے، بلاول بھٹو زرداری کا تمام افراد کی رہائش کا مطالبہ

جمعہ 3 اکتوبر 2025 20:35

اسلام آباد (اُردو پوائنٹ اخبارتازہ ترین - این این آئی۔ 03 اکتوبر2025ء)چیئرمین پاکستان پیپلز پارٹی بلاول بھٹو زرداری نے گلوبل صمود فلوٹیلا کو اسرائیل کی جانب سے روکے جانے پر ردعمل کا اظہار کرتے ہوئے کہاہے کہ کھانا اور دوا کوئی خطرہ نہیں۔

(جاری ہے)

اپنے بیان میں بلاول بھٹو زر داری نے کہاکہ اسرائیل نے گلوبل صمود فلوٹیلا کو روک کر ڈاکٹروں اور رضاکاروں کو حراست میں لے کر انسانیت پر کھلا حملہ کیا ہے،اسرائیل نے پاکستان کے سینیٹر مشتاق احمد خان کو حراست میں لے کر بین الاقوامی قوانین کی خلاف ورزی کی ہے۔

چیئرمین بلاول بھٹو زرداری نیاسرائیل کی جانب سے گلوبل صمد فلوٹیلا سے حراست میں لئے گئے تمام افراد کی رہائی کا مطالبہ کیا ۔بلاول بھٹو زرداری نے غزہ کے لئے انسانی راہداری اور فلسطین کے لئے انصاف کا مطالبہ کیا ۔