ابراہیم اکارڈسے لیکرٹرمپ امن معاہدے تک مزاحمتی تحریک حماس کے خاتمے اورصہیونی بالادستی کا خواب کبھی بھی پورا نہیں ہوگا،جماعت اسلامی سندھ

ورلڈ بنک کے آگے سندھ میں90 فیصد دیہی گھرانے آلودہ پانی استعال کرنے کا اعتراف، 17 سال سے برسراقتدارپیپلزپارٹی کی ناکامی کا اعتراف ہے،اجتماع عام کی تشہیر سمیت دعوت کے ابلاغ کے لیے میڈیا کے تمام ٹولز کا موئثر استعمال کیا جائے،کاشف سعید شیخ

اتوار 5 اکتوبر 2025 19:55

کراچی(اُردو پوائنٹ اخبارتازہ ترین - این این آئی۔ 05 اکتوبر2025ء) امیرجماعت اسلامی سندھ کاشف سعید شیخ نے کہا ہے کہ ابراہیم اکارڈسے لیکرٹرمپ امن معاہدے تک مزاحمتی تحریک حماس کے خاتمے اورصہیونی بالادستی کا خواب کبھی بھی پورا نہیں ہوگا۔سرزمین انباء کے اصل باشندوں کو بے دخل کرکے قابض ٹولے کی حمایت کرنا سراسرناانصافی ہے فلسطین فلسطینیوں کا ہے کوئی بھی دوریاستی حل قابل قبول نہیں ہے۔

ظالم ومظلوم کی جنگ میں خاموش تماشائی رہنا دراصل ظالم کا ساتھ دینے کے مترادف ہے۔غزہ میں انسانیت کے قتل عام کے سرپرست ٹرمپ کونوبل انعام کے لیے نامزدکرنا شرمناک اورشہداء کے خون سے غداری ہے حکومت ہوش کے ناخن اورفیصلہ واپس لے۔مینارپاکستان لاہور میں جماعت اسلامی کیا سہ روزہ اجتماع ملکی سیاست میں اہم پیش رفت ثابت ہوگا۔

(جاری ہے)

۔اجتماع عام کی تشہیر سمیت دعوت کے ابلاغ کے لیے میڈیا کے تمام ٹولز کا موئثر استعمال کیا جائے۔

یہ بات انہوں نے قباء آڈیٹوریم میں اجتماع عام کی تیاریوں واہداف کے حوالے سے منعقدہ میڈیا کمیٹی کے اجلاس سے خطاب کرتے ہوئے کہی۔قیم صوبہ محمد یوسف ،سیکرٹری اطلاعات مجاہدچنا ودیگر بھی ساتھ موجود تھے۔صوبائی امیر کامزید کہنا تھاکہ سندھ حکومت کا ورلڈ بنک کے سامنے سندھ میں90 فیصد دیہی گھرانے آلودہ پانی استعال کرنے کا اعتارف دراصل سترہ سالوں سے برسراقتدارپیپلزپارٹی کی ناکامی کا اعتراف ہے۔

پینے کاصاف پانی کوئی عیاشی نہیں بلکہ عوام کا بنیادی انسانی حق ہے جس کی فراہمی ریاست کی ذمے داری ہے۔آلودہ پانی استعمال کرنے کی وجہ سے مختلف بیماریاں پھیل رہی ہیں۔حکومتی اعتراف نہ صرف ناکامی بلکہ ثابت کرتا ہے کہ حکومتی پالیسیوں اور ترجیحات میں عوام کی صحت اورزندگی کی کوئی اہمیت نہیں ہے ۔صوبائی امیرنے زوردیاکہ عوام کو صاف پانی کی فراہمی کے ل؛یے کرپشن فری اقدامات کرکے انہیں جینے کا حق دیا جائے۔