حکومت کا 13اکتوبر سے قومی انسداد پولیو مہم شروع کرنے کا فیصلہ

پیر 6 اکتوبر 2025 16:32

لاہور(اُردو پوائنٹ اخبارتازہ ترین - این این آئی۔ 06 اکتوبر2025ء) حکومت نے 13اکتوبر سے قومی انسدادِ پولیو مہم شروع کرنے کا فیصلہ کیا ہے۔نیشنل ایمرجنسی آپریشنز سینٹر کے مطابق قومی انسدادِ پولیو مہم 13سے 19اکتوبر تک جاری رہے گی، پولیو مہم کے دوران 4کروڑ 50لاکھ سے زائد بچوں کو پولیو سے بچا ئوکے قطرے پلائے جائیں گے۔نیشنل ای او سی کے مطابق 13 اکتوبر سے شروع ہونے والی مہم کے دوران بچوں کی قوتِ مدافعت بڑھانے کے لیے وٹامن اے کی اضافی خوراک بھی دی جائے گی،13اکتوبر سے شروع ہونے والی مہم کے دوران 4لاکھ سے زائد تربیت یافتہ پولیو ورکرز اپنی ذمہ داریاں انجام دیں گے۔

پنجاب میں 13تا 19اکتوبر تک 2کروڑ 30لاکھ سے زائد پانچ سال سے کم عمر بچوں کو پولیو سے بچا ئوکے قطرے پلائے جائیں گے، سندھ میں 1کروڑ 6لاکھ سے زائد پانچ سال سے کم عمر بچوں کو پولیو سے بچا کے قطرے پلائے جائیں گے۔

(جاری ہے)

بلوچستان میں 26لاکھ سے زائد پانچ سال سے کم عمر بچوں ، خیبرپختونخوا ہ میں 72لاکھ سے زائد پانچ سال سے کم عمر بچوں کو پولیو سے بچائو کے قطرے پلائے جائیں گے۔

اسلام آباد میں 4لاکھ 60ہزار سے زائد پانچ سال سے کم عمر بچوں کو پولیو سے بچا ئوکے قطرے پلائے جائیں گے، انہی تاریخوں میں آزاد جموں و کشمیر میں 7لاکھ 60ہزار سے زائد پانچ سال سے کم عمر بچوں کو پولیو سے بچا ئوکے قطرے پلائے جائیں گے۔گلگت بلتستان میں 2 لاکھ 80ہزار سے زائد پانچ سال سے کم عمر بچوں کو پولیو سے بچائو کے قطرے پلائے جائیں گے۔