Live Updates

آئی سی سی پلیئرز رینکنگ، ٹیسٹ بیٹرز میں جو روٹ کا پہلا نمبر برقرار

جمعرات 9 اکتوبر 2025 17:36

لندن (اُردو پوائنٹ اخبارتازہ ترین - این این آئی۔ 09 اکتوبر2025ء) انٹرنیشنل کرکٹ کونسل (آئی سی سی) نے ٹیسٹ اور ٹوئنٹی میں پلیئرز کی نئی رینکنگ جاری کردی۔ٹیسٹ بیٹرز میں انگلینڈ کے جو روٹ کا پہلا نمبر برقرار ہے جبکہ جنوبی افریقا کے ٹمبا باووما ایک درجہ ترقی کے بعد5ویں نمبرپرآگئے۔ سری لنکا کے کمینڈو مینڈس کی ایک درجہ ترقی کے بعد چھٹی پوزیشن جبکہ پاکستان کے سعود شکیل12ویں نمبر پر موجود ہیں۔

(جاری ہے)

ٹیسٹ بولرز میں بھارت کے جسپریت بمرا کا پہلا نمبر جبکہ پاکستان کے اسپنرنعمان علی کی چھٹی پوزیشن ہے، بھارت کے محمد سراج3درجہ ترقی کے بعد12ویں نمبرپرآگئے۔ پاکستان کے ساجد خان کا بھی21واں نمبر،شاہین آفریدی22ویں نمبرپرموجود ہیں۔ٹی ٹوئنٹی بیٹرز میں بھارت کے ابھیشیک شرما کا پہلا نمبر برقرار ہے، آسٹریلیاکے مچل مارش13درجہ ترقی کے بعد10ویں نمبر پر آگئے۔ صاحبزادہ فرحان کی ایک درجہ ترقی،12واں نمبر مل گیا۔ ٹی ٹوئنٹی بولرز میں افغانستان کے راشد خان6درجہ ترقی کے بعد دوسرے نمبرپرآگئے۔ٹاپ ٹین میں پاکستان کے ابراراحمد اور سفیان مقیم شامل ہیں، ابراراحمد 7ویں اور سفیان مقیم 10ویں پوزیشن پر براجمان ہیں۔