Live Updates

وقت آ گیا ہے افغان مہمان اپنے گھروں کو جائیں اور یہ مفت بری اور محسن کشی بند کریں، وزیرخارجہ

جمعہ 10 اکتوبر 2025 01:50

اسلام آباد (اُردو پوائنٹ اخبارتازہ ترین - اے پی پی۔ 10 اکتوبر2025ء) وزیر دفاع خواجہ محمد آصف نے کہا ہے کہ وقت آ گیا ہے افغان مہمان اپنے گھروں کو جائیں اور یہ مفت بری اور محسن کشی بند کریں۔ یہ کیسے مہمان ہیں جو میزبانوں کا خون بہاتے ہیں اور قاتلوں کو پناہ دیتے ہیں۔جمعرات کو رات گئے سوشل میڈیا ایکس پر اپنی پوسٹ میں انہوں نے کہا کہ ہزاروں طالبان کو عمران خان نے پاکستان لا کے بسایا۔

آج بھی پی ٹی آئی دہشتگرد وں سے مذاکرات کی بات کر رہی ہے۔

(جاری ہے)

انہوں نے کہا کہ سالوں سے ہماری فوج اور عوام کا خون بہایا جارہا ہے۔ افغان حکومت کے ساتھ سالوں پہ محیط مذاکرات اور وفود کا کابل آنے جانے کے باوجود پاکستان میں خونریزی بند نہیں ہوئی۔ روزانہ فوجی جوانوں کے جنازے اٹھ رہے ہیں۔ 60لاکھ افغان مہاجرین 60 سال کی مہمان نوازی کی قیمت ہم اپنے خون سے ادا کر رہے ہیں۔ وقت آ گیا ہے افغان مہمان اپنے گھروں کو جائیں اور یہ مفت بری اور محسن کشی بند کریں۔ یہ کیسے مہمان ہیں جو میزبانوں کا خون بہاتے ہیں اور قاتلوں کوپناہ دیتے ہیں۔