محسن نقوی سے اعصام الحق قریشی کی ملاقات ،ٹینس کورٹس سے متعلق مسائل فوری حل کرنے پر شکریہ ادا کیا

ٹینس کے فروغ کے لئے ٹینس فیڈریشن کو پورا سپورٹ کریں گے۔اسلام آباد میں نئے ٹینس کورٹس پر کام کا آغاز کر دیا گیا

اتوار 19 اکتوبر 2025 15:35

اسلام آباد (اُردو پوائنٹ اخبارتازہ ترین - این این آئی۔ 19 اکتوبر2025ء) چیئرمین پاکستان کرکٹ بورڈ محسن نقوی سے صدر پاکستان ٹینس فیڈریشن اعصام الحق قریشی نے ملاقات کی۔اعصام الحق نے ایشیا کپ میں چئیرمین پی سی بی محسن نقوی کے اصولی موقف کو سراہا۔

(جاری ہے)

اعصام الحق نے اسلام آباد میں ٹینس کورٹس سے متعلق مسائل فوری حل کرنے پر محسن نقوی کا شکریہ ادا کیا۔ چیئرمین پی سی بی محسن نقوی نے کہا کہ ٹینس کے فروغ کے لئے ٹینس فیڈریشن کو پورا سپورٹ کریں گے۔اسلام آباد میں نئے ٹینس کورٹس پر کام کا آغاز کر دیا گیا ہے۔ٹینس کے ٹیلنٹ کے فروغ کے لئے ٹینس فیڈریشن کی معاونت کے لیے تیار ہیں۔کرکٹ ہو ٹینس یا کوئی اور کھیل۔ کھیل قوموں کے ساتھ دلوں کو جوڑتے ہیں۔