Skip to main content

آصف آفریدی ٹیسٹ کرکٹ میں ڈیبیو کرکے منفرد ریکارڈ کی فہرست میں شامل

پشاور میں پیدا ہونے والے آصف آفریدی بائیں ہاتھ سے فنگر سپن بولنگ کرتے ہیں

ذیشان مہتاب پیر 20 اکتوبر 2025 11:18

آصف آفریدی ٹیسٹ کرکٹ میں ڈیبیو کرکے منفرد ریکارڈ کی فہرست میں شامل

لاہور (اردو پوائنٹ تازہ ترین اخبار ۔ 20 اکتوبر 2025ء ) آصف آفریدی 38 سال اور 299 دن کی عمر میں پاکستان کی جانب سے ٹیسٹ ڈیبیو کرنے والے دوسرے سب سے عمر رسیدہ کھلاڑی بن گئے ہیں۔

سابق پاکستانی کھلاڑی عامر الٰہی کو اگر اس فہرست میں شمار کیا جائے، جنہوں نے پہلے بھارت کی نمائندگی کی تھی، تو آصف تیسرے نمبر پر آتے ہیں۔

پشاور میں پیدا ہونے والے آصف آفریدی بائیں ہاتھ سے فنگر اسپن بولنگ کرتے ہیں۔

(جاری ہے)

انہوں نے فرسٹ کلاس کرکٹ میں قدم 2009ء میں رکھا تھا، لیکن اُس سیزن میں صرف تین میچز کھیلنے کے بعد وہ 2015ء تک منظر سے غائب رہے۔

آصف آفریدی اب تک 57 فرسٹ کلاس میچز میں 25.49 کی شاندار اوسط کے ساتھ 198 وکٹیں حاصل کر چکے ہیں۔

آصف آفریدی کا موازنہ جنوبی افریقا کے اسپنر سائمن ہارمر سے کیا جا سکتا ہے جن کی عمر 36 سال ہے۔

انہوں نے 233 فرسٹ کلاس میچز میں 26.43 کی اوسط سے 992 وکٹیں حاصل کی ہیں۔

تجزیہ کاروں کا کہنا ہے کہ آصف کی دیر سے آمد اس بات کی علامت ہے کہ اگر کارکردگی ہو تو عمر محض ایک نمبر ہے۔

Facebook Twitter Google + Share on Whatsapp

متعلقہ عنوان :