چوہدری سالک حسین کی پرانی تقریر کے سیاق سباق کو توڑ مروڑ کر ان کے خلاف پراپیگنڈہ کیا جارہا ہے۔ کوآرڈینیٹر وفاقی وزیر

ویڈیو کلپ کو کاٹ،جوڑ کر ایڈیٹنگ کے ذریعے من پسند مفہوم کی مذموم کوشش کی گئی۔ خواجہ رمیض حسن

عمر جمشید پیر 27 اکتوبر 2025 15:31

چوہدری سالک حسین کی پرانی تقریر کے سیاق سباق کو توڑ مروڑ کر ان کے خلاف ..

لاہور (اُردو پوائنٹ اخبارتازہ ترین۔ 27 اکتوبر2025ء) مسلم لیگ ق کے رہنما خواجہ رمیض حسن نے پریس ریلیز میں کہا کہچوہدری سالک حسین کی فلسطین سے متعلق اے پی سی میں کی گئی پرانی تقریر کے سیاق سباق کو توڑ مروڑ کر ان کے خلاف پراپیگنڈہ کیا جارہا ہےانہوں نے کہا کہ ویڈیو کلپ کو کاٹ،جوڑ کر ایڈیٹنگ کے ذریعے من پسند مفہوم کی مذموم کوشش کی گئی۔

(جاری ہے)

چوہدری شجاعت حسین اور ان کا خاندان ہمیشہ کشمیر اور فلسطین کےمظلوموں کی حمایت میں کھڑا رہاہے۔

سازشی عناصر یہودی آقاؤں کی خوشنودی کے لیے وفاقی وزیر کی کردار کشی میں مصروف ہیں۔ انہوں نے کہا کہ بیرون ممالک سے افواجِ پاکستان اور ریاست کے خلاف صف بندی میں مصروف انتشاری ٹولہ محب وطن قوتوں کے خلاف سازش میں مصروف ہے۔اسرائیل ایک ناجائز ریاست اور بربریت کی عملی تصویر ہے، ق لیگی قیادت روز اول سے اس می مذمت کرتی آئی ہے۔