ریڈیو پاکستان پر حملے سے متعلق تیمور سلیم جھگڑا نے تصویر جاری کردی

پنجاب فرانزک لیب نے میری گاڑی میں سفر کرتے ہوئے ویڈیو سے تصویر لی، ویڈیو بانی پی ٹی آئی کی گرفتاری کی مذمتی پیغام پر مشتمل ہے، رہنما پی ٹی آئی

پیر 12 جنوری 2026 23:01

اسلام آباد (اُردو پوائنٹ اخبارتازہ ترین۔ 12 جنوری2026ء) ریڈیو پاکستان حملے سے متعلق پنجاب فورنزک لیبارٹری کی رپورٹ کے معاملے پر تیمور سلیم جھگڑا نے تصویر سوشل میڈیا پر جاری کردی۔پاکستان تحریک انصاف خیبرپختونخوا کے رہنما تیمور سلیم جھگڑا نے کہا کہ رپورٹ میں بطور ثبوت پیش کی جانے والی ویڈیو عوامی ویڈیو ہے، ویڈیو کافی عرصے سے میرے ٹائم لائن پر موجود ہے۔

(جاری ہے)

انہوں نے کہا کہ پنجاب فرانزک لیب نے میری گاڑی میں سفر کرتے ہوئے ویڈیو سے تصویر لی ہے، ویڈیو بانی پی ٹی آئی کی گرفتاری کی مذمتی پیغام پر مشتمل ہے۔تیمور سلیم جھگڑا نے کہا کہ یہ ویڈیو 9 مئی کو پشاور میں نہیں بلکہ اسلام آباد میں ریکارڈ کی گئی تھی۔قبل ازیں تیمور سلیم جھگڑا نے 9 مئی پر ریڈیو پاکستان پر حملے کیس کے الزامات اور فارنزک رپورٹ پر کہا کہ مقدمہ ٹرائل کے بعد خارج ہوچکا ہے۔