وزیراعظم یوتھ بزنس اینڈ ایگریکلچر لون سکیم کی امپیکٹ رپورٹ جاری

یوتھ قرضوں کی رقم 300ارب تک بڑھانے کی تجویز ہے،اگلے 18ماہ میں تمام یونیورسٹیوں کو کیش لیس بنانے کا ہدف حاصل کر لیا جائیگا، چیئرمین رانا مشہود خان

منگل 24 فروری 2026 20:45

اسلام آباد (اُردو پوائنٹ اخبارتازہ ترین - این این آئی۔ 24 فروری2026ء) وزیراعظم یوتھ پروگرام کے تحت وزیراعظم یوتھ بزنس اینڈ ایگریکلچر لون سکیم کی امپیکٹ رپورٹ جاری کر دی گئی۔ تقریب سے خطاب کرتے ہوئے چیئرمین وزیراعظم یوتھ پروگرام رانا مشہود نے کہا کہ پروگرام کے تحت فن ٹیک ڈویژن کا قیام بھی عمل میں لایا گیا ہے تاکہ نوجوانوں کو جدید مالی سہولیات فراہم کی جا سکیں۔

(جاری ہے)

انہوں نے کہا کہ وزیراعظم نے نوجوانوں کو بااختیار بنانے کیلئے 100سے 200ارب روپے تک کے قرضوں کی منظوری دی تھی، اب اس رقم کو بڑھا کر 300ارب روپے تک لے جانے کی تجویز دی گئی ہے۔ رانا مشہود نے کہا کہ ڈیجیٹل اکائونٹس کا اجرا کیش لیس اکانومی کی جانب ایک بڑا قدم ہے ۔ اگلے 18ماہ میں تمام یونیورسٹیوں کو کیش لیس بنانے کا ہدف حاصل کر لیا جائے گا۔ وزیراعظم کے واضح ویژن پر تیزی سے عمل جاری ہے ۔ چیئرمین وزیراعظم یوتھ پروگرام نے کہا کہ پاکستان کی ترقی دشمن عناصر کو اچھی نہیں لگتی، تاہم حکومت نوجوانوں کی ترقی اور ملکی خوشحالی کے ایجنڈے پر ثابت قدم ہے۔