ّسابق چیئرمین سینیٹ صادق سنجرانی نے دالبندین میں جدید بلدیہ ریسٹ ہاؤس کا افتتاح کر دیا

ة پسماندہ علاقوں کی ترقی اور بنیادی سہولیات کی فراہمی ہماری اولین ترجیح ہے، محمد صادق سنجرانی

منگل 24 مارچ 2026 23:05

7دالبندین (اُردو پوائنٹ اخبارتازہ ترین - آن لائن۔ 24 مارچ2026ء) سابق چیئرمین سینیٹ آف پاکستان و رکن صوبائی اسمبلی چاغی محمد صادق سنجرانی نے ڈسٹرکٹ کونسل چاغی کے فنڈز سے تعمیر ہونے والے بلدیہ ریسٹ ہاس کا باقاعدہ افتتاح کر دیا۔افتتاحی تقریب میں ڈسٹرکٹ چیئرمین عبدالودود خان سنجرانی، وائس چیئرمین میر اسفندیار خان یارمحمدزہی، چیف آفیسر سید انور شاہ، ضلعی انتظامیہ کے افسران، خان سنجرانی پینل کے قبائلی عمائدین اور مقامی معززین کی بڑی تعداد نے شرکت کی۔

تقریب سے خطاب کرتے ہوئے محمد صادق سنجرانی نے کہا کہ ریسٹ ہاس کی تعمیر کا مقصد ضلع چاغی میں آنے والے مہمانوں، سرکاری افسران اور سیاحوں کو معیاری رہائش اور کھانے پینے کی سہولیات فراہم کرنا ہے۔ انہوں نے کہا کہ چاغی جیسے دور افتادہ مگر معدنی وسائل سے مالا مال ضلع میں بنیادی ڈھانچے کی ترقی نہایت ضروری ہے۔

(جاری ہے)

انہوں نے مزید کہا کہ مقامی قیادت اور خان پینل کا وژن ہمیشہ پسماندہ علاقوں کو ترقی کی جانب گامزن کرنا ہے اور ایسے منصوبے اسی وژن کی عکاسی کرتے ہیں۔

ان کا کہنا تھا کہ ریسٹ ہاس کی تعمیر سے ڈسٹرکٹ کونسل کے اثاثوں میں اضافہ ہوگا اور سرکاری امور کی انجام دہی میں بھی آسانی پیدا ہوگی۔محمد صادق سنجرانی نے ضلع میں جاری تعلیمی اور صحت کے منصوبوں کی جلد تکمیل کی یقین دہانی کراتے ہوئے کہا کہ عوام کو ان کی دہلیز پر بنیادی سہولیات کی فراہمی حکومت کی اولین ترجیح ہے۔تقریب کے اختتام پر انہوں نے ریسٹ ہاس کے مختلف حصوں کا معائنہ کیا، تعمیراتی معیار کو سراہا اور متعلقہ حکام کو ہدایت کی کہ عمارت کی دیکھ بھال اور صفائی کے نظام کو مثالی بنایا جائے۔

واضح رہے کہ بلدیہ ریسٹ ہاس کی تعمیر بلوچستان عوامی پارٹی کے سینئر نائب صدر و سابق مشیر وزیراعلی بلوچستان میر اعجاز خان سنجرانی کی تجویز پر ڈسٹرکٹ چیئرمین عبدالودود خان سنجرانی کی منظوری سے ڈسٹرکٹ کونسل کے فنڈز سے مکمل کی گئی