لاہور غیرملکی خواتین زیادتی کیس؛ اسحاق ڈار کے رشتے دار رضا ڈار کیخلاف مقدمہ درج

ملزم خود بھی اغواء ہونے کا ڈرامہ کرتا رہا ، پولیس کی جانب سے مختلف پہلوؤں سے تحقیقات کا دائرہ وسیع کر دیا گیا

ساجد علی جمعرات 2 جولائی 2026 20:34

لاہور غیرملکی خواتین زیادتی کیس؛ اسحاق ڈار کے رشتے دار رضا ڈار کیخلاف ..

لاہور (اُردو پوائنٹ اخبارتازہ ترین۔ 02 جولائی 2026ء) لاہور کے پوش علاقے ڈیفنس میں ہالینڈ اور وینزویلا کی دو غیر ملکی خواتین کے اغواء اور مبینہ جنسی زیادتی کے واقعے کا مقدمہ نائب وزیراعظم اسحاق ڈار کے رشتے دار رضا ڈار کیخلاف مقدمہ درج کرلیا گیا۔ اے آر وائی نیوز کے مطابق تھانہ ڈیفنس سی میں درج اس ہائی پروفائل مقدمے میں نائب وزیرِ اعظم اسحاق ڈار کے قریبی رشتہ دار محمد رضا ڈار سمیت 5 ملزمان کو نامزد کیا گیا ہے، جس کے بعد پولیس نے مختلف پہلوؤں سے تحقیقات کا دائرہ وسیع کر دیا ہے۔

ایف آئی آر کے متن میں کہا گیا ہے کہ مرکزی ملزم محمد رضا ڈار کی ان غیر ملکی خواتین سے اکتوبر 2025ء میں سنگاپور میں ملاقات ہوئی، وہاں ملزم نے خواتین کو اعتماد میں لیا اور انہیں پاکستان کی سیر کرنے کی دعوت دی، یہاں تک کہ ملزم نے خود ہی ان دونوں غیر ملکی خواتین کے لیے پاکستانی ویزوں کا انتظام بھی کیا۔

(جاری ہے)

اہور: غیر ملکی خواتین سے اغوا کے بعد مبینہ زیادتی کا مقدمہ ڈیفنس سی تھانے میں درج

ایف آئی آر نائب وزیراعظم کے قریبی رشتہ دار رضا ڈار سمت دیگر کیخلاف درج #ARYNews pic.twitter.com/zBW5A1Um9b
— ARY NEWS (@ARYNEWSOFFICIAL) July 2, 2026

ایف آئی آر سے معلوم ہوا ہے کہ غیر ملکی خواتین جیسے ہی 29 جون 2026ء کو پاکستان پہنچیں تو ایئرپورٹ سے ہی مرکزی ملزم رضا ڈار اور اس کے دیگر تین ملزمان ساتھیوں نے انہیں گن پوائنٹ پر اغوا کر لیا اور ڈیفنس کی ایک خفیہ جگہ پر لے جا کر محبوس کر دیا، متاثرہ خواتین نے اپنے بیان میں الزام عائد کیا ہے کہ اغواء کاروں نے انہیں وہاں حبسِ بے جا میں رکھ کر کئی مرتبہ جنسی زیادتی کا نشانہ بنایا۔

مقدمہ کے متن سے پتہ چلتا ہے کہ مرکزی ملزم رضا ڈار نے خواتین کو شک سے دور رکھنے کے لیے عیاری کی انتہا کر دی، وہ خواتین کے سامنے خود بھی اغواء کاروں کے ہاتھوں مغوی ہونے کا ڈرامہ رچاتا رہا تاکہ خواتین کو لگے کہ وہ بھی ان کی طرح پھنس چکا ہے، اس دوران اس کے ساتھی ملزمان خواتین پر بھاری رقم بطور تاوان دینے کے لیے مسلسل شدید ذہنی و جسمانی دباؤ ڈالتے رہے۔

ایف آئی آر میں دونوں غیر ملکی خواتین نے موقف اپنایا ہے کہ ملزمان انتہائی بے رحم تھے، انہوں نے دھمکی دی کہ اگر بیرونِ ملک سے ان کے اہلخانہ نے تاوان کی بھاری رقم نہ بھیجی تو وہ انہیں شدید تشدد کا نشانہ بنانے کے بعد قتل کر دیں گے اور ان کی لاشوں کے اعضاء انٹرنیشنل مارکیٹ میں فروخت کر دیں گے، ملزمان نے ان سے زبردستی خطیر رقم چھینی ہے، لہٰذا ان پانچوں ملزمان کو سخت ترین سزا دی جائے۔