[پاکستان کی امن کوششوں کو عالمی سطح پر پذیرائی

w جنگ مسائل کا حل نہیں، مذاکرات ہی پائیدار راستہ: قومی مؤقف ×پاکستان نے نہ صرف خطے بلکہ عالمی سطح پر بھی امن کے فروغ کے لیے ہمیشہ مثبت کردار ادا کیا ہے ،چوہدری افتخار احمد برسہ

اتوار 12 اپریل 2026 18:55

۶اسلام آباد( آن لائن قومی امن اور بین المذاہب ہم آہنگی کے فروغ کے لیے سرگرم شخصیات نے حکومتِ پاکستان کی امن پالیسیوں کو سراہتے ہوئے کہا ہے کہ ملک نے خطے میں استحکام کے لیے مؤثر اور عملی اقدامات کیے ہیں جنہیں عالمی سطح پر بھی پذیرائی حاصل ہو رہی ہے۔قومی امن فورس کمیٹی برائے بین المذاہب ہم آہنگی کے سرپرست اعلیٰ و چیئرمین چوہدری افتخار احمد برسہ نے اپنے بیان میں کہا کہ وزیراعظم شہباز شریف اور آرمی چیف سید عاصم منیر کی قیادت میں پاکستان نے امن کے قیام کے لیے شبانہ روز مخلصانہ کاوشیں کی ہیں، جن پر پوری قوم انہیں خراجِ تحسین پیش کرتی ہے۔

انہوں نے کہا کہ پاکستان کا خطے میں امن کے لیے عملی کردار اور دنیا کے بیشتر ممالک کی جانب سے ان کوششوں کو سراہا جانا اس بات کا واضح ثبوت ہے کہ عالمی برادری جنگ نہیں بلکہ امن کی خواہاں ہے۔

(جاری ہے)

ان کا کہنا تھا کہ تاریخ اس امر کی گواہ ہے کہ جنگ کسی بھی مسئلے کا مستقل حل نہیں، بلکہ مذاکرات اور افہام و تفہیم ہی پائیدار امن کی بنیاد بنتے ہیں۔ +چوہدری افتخار احمد برسہ نے مزید کہا کہ پاکستان نے نہ صرف خطے بلکہ عالمی سطح پر بھی امن کے فروغ کے لیے ہمیشہ مثبت کردار ادا کیا ہے اور آئندہ بھی یہ سلسلہ جاری رکھا جائے گا۔ انہوں نے اس عزم کا اظہار کیا کہ قوم وزیراعظم، حکومتِ پاکستان اور عسکری قیادت کے امن وڑن کے ساتھ کھڑی ہے۔

Facebook Twitter Google + Share on Whatsapp

[پاکستان کی امن کوششوں کو عالمی سطح پر پذیرائی

متعلقہ عنوان :

مزید اہم خبریں