ْمنگھوپیر ٹائون کی پختون برادری کی بڑی تعدادنے ایم کیو ایم پاکستان میں شمولیت اختیار کرلی

اتوار 26 اپریل 2026 21:10

کراچی(اُردو پوائنٹ اخبارتازہ ترین - این این آئی۔ 26 اپریل2026ء) متحدہ قومی موومنٹ پاکستان کے مرکز بہادرآباد سے جاری بیان کے مطابق منگھوپیر ٹان یوسی 02 میں پختون برادری کے افراد نے بڑی تعداد میں ڈاکٹر خالد مقبول صدیقی کی قیادت پر اعتماد کا اظہار کرتے ہوئے ایم کیو ایم پاکستان میں شمولیت اختیار کرلی۔

(جاری ہے)

اس موقع پر انچارج KMOC سید معین الدین، ممبر منظور بروہی، جوائنٹ ٹان آرگنائزر غلام نبی، لطیف مغل، انچارج اقلیتی امور منگھوپیر جونسن، جوائنٹ انچارج اندریاس، یوسی آرگنائزر فیصل اور رکن صوبائی اسمبلی سندھ نصیر احمد سمیت دیگر ذمہ داران بھی موجود تھے۔

لالہ مجیب محسود نے بھی تقریب میں شرکت کی۔ مرکز کی جاری اعلامیہ میں کہا گیا کہ مختلف برادریوں کی جانب سے ایم کیو ایم پاکستان کی قیادت پر اعتماد اس بات کا ثبوت ہے کہ عوامی مسائل کے حل کیلئے متحدہ کی جدوجہد کو پذیرائی مل رہی ہے۔