صومالیہ کی یرغمال پاکستانیوں کی بحفاظت وطن واپسی کی یقین دہانی

جمعرات 30 اپریل 2026 14:08

کراچی(اُردو پوائنٹ اخبارتازہ ترین - این این آئی۔ 30 اپریل2026ء) صومالی قزاقوں کے ہاتھوں 10 پاکستانیوں کے اغوا کے بعد صومالیہ کی حکومت نے پاکستان کو تحریری طور پر تعاون کی یقین دہانی کرائی ہے۔سفارتی ذرائع نے بتایا کہ صومالی حکومت نے پاکستانی شہریوں کی محفوظ وطن واپسی کے لیے تعاون فراہم کرنے کی یقین دہانی کرائی ہے۔پاکستان نے صومالی حکومت کے ساتھ 10 پاکستانیوں کے اغوا کامعاملہ اٹھایا تھا۔

(جاری ہے)

وفاقی وزیر بحری امور جنید جنید انور چودھری نے صومالیہ سفیر کو اس سلسلے میں مراسلہ بھی بھیجا جس کی صومالی وزارت خارجہ نے وصولی کی تصدیق کی اور کہا کہ صورت حال کا بغور جائزہ لیا جا رہا ہے۔یاد رہے کہ بحری جہاز Honour 25 پر صومالی قزاقوں کے قبضے کے بعد سے 10 سے زائد پاکستانی عملہ یرغمال ہے جن میں کراچی سے تعلق رکھنے والے افراد بھی شامل ہیں۔مغویوں کے اہل خانہ شدید پریشانی میں مبتلا ہیں، انہوں نے حکومت سے فوری مدد کا مطالبہ کیا ہے۔