Live Updates

بندرگاہوں کی ناکہ بندی امریکی فوجی کارروائیوں کا تسلسل ہے. ایرن

ضمانت دی جائے جنگ دوبارہ شروع نہیں ہوگی ،مذاکرات کا خیرمقدم کرتے ہیں لیکن دباﺅ اور مسلط کردہ شرائط پر نہیں. صدر احمد پزشکیان، جسٹس غلام حسین محسنی

میاں محمد ندیم ہفتہ 2 مئی 2026 17:43

بندرگاہوں کی ناکہ بندی امریکی فوجی کارروائیوں کا تسلسل ہے. ایرن

تہران(اردوپوائنٹ اخبارتازہ ترین-انٹرنیشنل پریس ایجنسی۔02 مئی ۔2026 ) ایرانی قیادت نے کہا ہے کہ ایرانی بندرگاہوں کی ناکہ بندی امریکی فوجی کارروائیوں کا تسلسل ہے، ضمانت دی جائے جنگ دوبارہ شروع نہیں ہوگی اور ایران پر آئندہ کوئی حملہ نہیں کیا جائے گا،مذاکرات کا خیرمقدم کرتے ہیں لیکن دباﺅ اور مسلط کردہ شرائط پر نہیں. ایرانی ادارے کی رپورٹ کے مطابق ایرانی قیادت نے امریکا پر شدید عدم اعتماد کا اظہار کیا انہوں نے کہا کہ ایران پر 2 مرتبہ حملے کئے گئے، جس سے اعتماد کی فضا متاثر ہوئی، ذرائع کے مطابق کسی بھی پیشرفت کو بحری ناکہ بندی کے خاتمے سے مشروط کیا جا رہا ہے پابندیوں سے متعلق مسئلہ حل کر لیا جائے تو ایران مذاکرات کو آگے بڑھانے کیلئے تیار ہوگا.

(جاری ہے)

ایرانی صدر مسعود پزشکیان نے ایرانی بندرگاہوں کی ناکہ بندی امریکی فوجی کارروائیوں کا تسلسل قرادیا اور کہا ہے کہ ایران نے صبر و تحمل اور مفاہمت کا مظاہرہ کیا، بحری ناکہ بندی کے نام پر کئے گئے اقدامات خودمختار ملک کے خلاف فوجی کارروائیوں کا تسلسل ہیں، دنیا نے ایران کے صبر اور مفاہمت کو دیکھا لیکن یہ جابرانہ رویہ ناقابل برداشت ہے. ادھرایرانی چیف جسٹس غلام حسین محسنی نے کہا ہے کہ دبا ﺅ اور جبر کی بنیاد پر مذاکرات ہرگز قبول نہیں، اس پر حکومت کے تمام ذمہ دار متفق ہیں، ہم مذاکرات کا خیرمقدم کرتے ہیں لیکن مسلط کردہ شرائط پر نہیں .