Live Updates

امریکہ اور ایران جنگ کے خاتمے کیلئے معاہدے کے قریب پہنچ گئے، امریکی میڈیا کا دعویٰ

طویل دشمنی اور حالیہ عسکری تناؤ کو ختم کرنے کیلئے ایک مختصر مدتی معاہدہ طے پانے کی امید پیدا ہو گئی، واشنگٹن کو توقع ہے کہ تہران آئندہ 48 گھنٹوں کے اندر اہم تجاویز پر اپنا حتمی جواب دے دے گا؛ رپورٹس

ساجد علی بدھ 6 مئی 2026 14:53

امریکہ اور ایران جنگ کے خاتمے کیلئے معاہدے کے قریب پہنچ گئے، امریکی ..

تہران/واشنگٹن (اُردو پوائنٹ اخبارتازہ ترین۔ 06 مئی2026ء) مشرقِ وسطیٰ میں جاری جنگ کے خاتمے اور عالمی تناؤ میں کمی کے حوالے سے ایک بڑی پیش رفت سامنے آئی ہے، اس ضمن میں امریکی میڈیا کا دعویٰ ہے کہ امریکہ اور ایران دشمنی ختم کرنے کے ایک معاہدے کے انتہائی قریب پہنچ چکے ہیں۔ عالمی خبر رساں ادارے رائٹرز نے دعویٰ کیا ہے کہ امریکی میڈیا آؤٹ لیٹ 'ایکسائیوس' (Axios) کی رپورٹ کے مطابق امریکہ اور ایران کے درمیان طویل دشمنی اور حالیہ عسکری تناؤ کو ختم کرنے کے لیے ایک مختصر مدتی معاہدہ طے پانے کی امید پیدا ہو گئی ہے، واشنگٹن کو توقع ہے کہ تہران آئندہ 48 گھنٹوں کے اندر اہم تجاویز پر اپنا حتمی جواب دے دے گا۔

US and Iran closing in on one-page memo to end war, Axios reports https://t.co/7tuw9DeP6H https://t.co/7tuw9DeP6H
— Reuters (@Reuters) May 6, 2026

بتایا گیا ہے کہ اس مختصر مدتی معاہدے کے تحت دونوں فریقین جن اقدامات پر رضامندی ظاہر کر سکتے ہیں ان میں ایران عارضی طور پر یورینیم کی افزودگی روکنے کا پابند ہوگا، امریکہ ایران پر عائد پابندیاں اٹھا لے گا اور ایران کے منجمد کردہ فنڈز جاری کر دے گا، دونوں ممالک آبنائے ہرمز پر عائد پابندیاں ختم کردیں گے، جس سے یہ عالمی گزرگاہ بین الاقوامی جہاز رانی کے لیے دوبارہ کھل جائے گی۔

(جاری ہے)

Exclusive: U.S. and Iran closing in on one-page memo to end war, officials say https://t.co/96m1QMAa3o
— Axios (@axios) May 6, 2026

واضح رہے کہ امریکی صدر ڈونلڈ ٹرمپ نے اس عمل میں نمایاں پیشرفت کا حوالہ دیتے ہوئے ایک بڑا اعلان کیا، انہوں نے کہا کہ وہ 'پراجیکٹ فریڈم' (آبنائے ہرمز کو طاقت کے ذریعے کھلوانے کی امریکی فوجی مہم) کو عارضی طور پر روک رہے ہیں تاکہ مذاکرات کو موقع دیا جا سکے جب کہ ایرانی وزیرِ خارجہ عباس عراقچی نے بیجنگ میں اپنے چینی ہم منصب وانگ ای سے ملاقات کے بعد میڈیا سے گفتگو کرتے ہوئے واضح کیا کہ "ہم مذاکرات میں اپنے جائز حقوق اور مفادات کے تحفظ کے لیے ہر ممکن کوشش کریں گے، ایران صرف اسی صورت میں معاہدہ قبول کرے گا اگر وہ منصفانہ اور جامع ہوگا"۔