جیکب آباد،جے یو آئی کا مولانا ادریس کے قتل کے خلاف احتجاجی مظاہرہ اور دھرنا

جمعہ 8 مئی 2026 23:56

جیکب آباد (اُردو پوائنٹ اخبارتازہ ترین - آن لائن۔ 08 مئی2026ء) جے یو آئی کا مولانا ادریس کے قتل کے خلاف احتجاجی مظاہرہ اور دھرنا۔

(جاری ہے)

تفصیلات کے مطابق جمعیت علماء اسلام کی جانب سے شیخ مولانا محمد ادریس کے بے گناہ قتل اور ملک میں بڑھتی ہوئی بدامنی کے خلاف ایک احتجاجی جلوس جے یو آئی سندھ کے پریس سیکریٹری ڈاکٹر اے جی انصاری، مولانا عبدالجبار رند، مولانا نصراللہ گھنیو، قاری عزیز اللہ مہر، محب اللہ بنگلانی، مولانا مولا بخش بکھرانی، چاکر خان جکھرانی، واحد بخش انڑ، تاج امروٹی اور دیگر کی قیادت میں شہید اللہ بخش پارک سے نکالا گیا، مظاہرین کے ہاتھوں میں بینرز اور پلے کارڈز تھے، مظاہرین نے شہر کے مختلف راستوں پر مارچ کرتے ہوئے پریس کلب جیکب آباد کے سامنے دھرنا دیا جس کے باعث کچھ دیر کے لیے روڈ بلاک اور ٹریفک معطل ہوگئی ، اس موقع پر جے پو آئی سندھ کے پریس سیکریٹری ڈاکٹر اے جی انصاری نے خطاب میں کہا کہ شیخ مولانا محمد ادریس پر حملہ علم، دین اور امن پر حملہ ہے، انہوں نے کہا ملک میں بڑھتی ہوئی بدامنی، ڈاکو راج، اغوا برائے تاوان اور ٹارگٹ کلنگ حکومتی ناکامی کا منہ بولتا ثبوت ہے، رہنماؤں نے کہا کہ علماء کرام، دینی شخصیات اور پرامن شہریوں کو مسلسل نشانہ بنایا جا رہا ہے مگر حکومت عوام کے جان و مال کے تحفظ میں ناکام ہوچکی ہے، انہوں نے کہا کہ جمہوری نظام کے ذریعے جدوجہد کرنے والے سیاسی علماء کا قتل جمہوریت کا قتل ہے ، جے یو آئی کو بیلٹ کے بجائے بلٹ اٹھانے پر مجبور نہ کیا جائے اور کہا کہ اگر قاتلوں کی گرفتاری اور بدامنی کے خاتمے کے لیے فوری عملی اقدامات نہ کیے گئے تو احتجاج کا دائرہ مزید وسیع کیا جائے گا۔