شاہین آفریدی کا بڑا اعزاز،پاکستانی بولرز کی ایلیٹ فہرست میں شامل

بدھ 13 مئی 2026 12:44

ڈھاکا(اُردو پوائنٹ اخبارتازہ ترین - این این آئی۔ 13 مئی2026ء) قومی فاسٹ بولر نے بڑا اعزاز حاصل کر لیا ہے جس کے بعد وہ پاکستانی بولرز کی ایلیٹ فہرست میں شامل ہو گئے ہیں۔ڈھاکا میں بنگلہ دیش کے خلاف ٹیسٹ میچ کھیلنے والے پاکستانی پیسر شاہین شاہ آفریدی نے مذکورہ میچ میں بڑا کارنامہ انجام دے کر اہم سنگ میل عبور کر لیا ہے۔

(جاری ہے)

شاہین شاہ آفریدی نے اس میچ کی پہلی اننگ میں تین وکٹیں حاصل کرنے کے ساتھ ہی بین الاقوامی کرکٹ میں اپنی 400 وکٹیں حاصل کر لیں اور چار سے یا اس سے زائد وکٹیں لینے والے پاکستانی بولرز کی ایلیٹ لسٹ میں جگہ بنا لی۔

26 سالہ پیسر نے اپنی 211 ویں اننگز میں 400 وکٹوں کا سنگ میل عبور کیا۔ وہ پاکستان کے پانچویں فاسٹ بولر اور مجموعی طور پر نویں بولر ہیں، جنہوں نے یہ کارنامہ انجام دیا ہے۔پاکستان کی جانب سے سب سے زیادہ انٹرنیشنل وکٹیں لینے کا اعزاز لیجنڈری وسیم اکرم کے پاس ہے، جنہوں نے مجموعی طور پر 216 وکٹیں حاصل کر رکھی ہیں۔