شاداب خان کو گلوبل سپر لیگ کے تیسرے ایڈیشن کیلئے ڈیزرٹ وائپرز کے کپتان مقرر

انگلینڈ میں کاؤنٹی کرکٹ کھیلتے ہوئے ہاتھ میں چوٹ لگنے کے بعد انہیں ٹورنامنٹ سے دستبردار ہونا پڑا، رپورٹ

جمعرات 9 جولائی 2026 17:11

شاداب خان کو گلوبل سپر لیگ کے تیسرے ایڈیشن کیلئے ڈیزرٹ وائپرز کے کپتان ..

لندن (اُردو پوائنٹ اخبارتازہ ترین - این این آئی۔ 09 جولائی2026ء) پاکستان کے آل راؤنڈر شاداب خان کو گلوبل سپر لیگ (جی ایس ایل)کے تیسرے ایڈیشن کے لیے ڈیزرٹ وائپرز نے کپتان مقرر کردیا ہے۔ میڈیا رپورٹ کے مطابق شاداب خان نے آسٹریلوی آل رائونڈر کرس گرین سے کپتانی کی ذمہ داری سنبھالی جنہیں ابتدائی طور پر کپتان نامزد کیا گیا تھا تاہم انگلینڈ میں کاؤنٹی کرکٹ کھیلتے ہوئے ہاتھ میں چوٹ لگنے کے بعد انہیں ٹورنامنٹ سے دستبردار ہونا پڑا۔

گلوبل سپر لیگ 23 جولائی سے یکم اگست تک کھیلی جائے گی۔ڈیزرٹ وائپرز نے اپنے آفیشل سوشل میڈیا چینلز کے ذریعے اس تقرری کی تصدیق کی اور لکھا کہ وائپرز کو زیادہ بلندیوں تک لے جانے کے لیے تیار! شاداب خان جی ایس ایل 2026 کے لیے ہمارے کپتان ہیں۔

(جاری ہے)

علاوہ ازیں جنوبی افریقا کے ٹاپ آرڈر بلے باز ریلی روسو کو ٹورنامنٹ کے لیے گرین کے متبادل کے طور پر نامزد کیا گیا ہے۔

وائپرز اسکواڈ میں بین الاقوامی ٹیلنٹ کا ایک مضبوط امتزاج ہے جس میں نیوزی لینڈ کے ڈیرل مچل اور یو ایس اے کے اینڈریس گوس نے بیٹنگ لائن اپ کو مضبوط کیا جبکہ آل رانڈرز کے شعبے میں شاداب، خزیمہ بن تنویر اور مچل شامل ہیں۔لیگ اسپننگ آل رائونڈر نے اسلام آباد یونائیٹڈ کے کپتان کے طور پر بھی کافی کامیابی حاصل کی ہے اور ان کی قیادت میں پی ایس ایل کے نویں ایڈیشن نے یونائیٹڈ نے ٹائٹل جیتا تھا، انہوں نے بطور کپتان 69 میچوں میں 40 فتوحات ریکارڈ کیں جس سے ان کی جیت کا تناسب 57.97 ہے۔گلوبل سپر لیگ کے 2026 کے ایڈیشن میں 11 میچوں میں پانچ ٹیمیں حصہ لیں گی تمام میچز گیانا کے پروویڈنس اسٹیڈیم میں کھیلے جائیں گے۔