Live Updates

نہ جنگ، نہ امن دونوں فریق تصادم سے بچنا چاہتے ہیں‘مگر پیچھے ہٹنے کو تیار نہیں

خطہ فی الحال نہ جنگ‘ نہ امن کی کیفیت میں رہنے والا ہے ‘جنگ بندی کی بنیادایک کمزور‘ مختصر اور مبہم الفاظ پر مشتمل مفاہمتی یادداشت ہے جس کی دونوں فریق اپنی اپنی تشریح کر رہے ہیں. برطانوی دفاعی تجزیہ نگارلیز ڈوسیٹ کا امریکا ایران جنگ پر تبصرہ

میاں محمد ندیم جمعرات 9 جولائی 2026 15:02

لندن(اردوپوائنٹ اخبارتازہ ترین-انٹرنیشنل پریس ایجنسی۔09 جولائی ۔2026 ) نہ جنگ، نہ امن دونوں فریق تصادم سے بچنا چاہتے ہیں مگر پیچھے ہٹنے کو تیار نہیں برطانوی نشریاتی ادارے بی بی سی کے دفاعی تجزیہ نگارلیز ڈوسیٹ نے یہ بات انہوں نے امریکا اور ایران کے درمیان حالیہ حملوں پر تبصرہ کرتے ہوئے کہی ہے . ان کا کہنا ہے یہ جنگ بندی دنیا کے دوسرے حصوں کی جنگ بندیوں سے بہت مختلف ہے ڈونلڈ ٹرمپ نے حال ہی میں ایران کے ساتھ نازک جنگ بندی اور گذشتہ ماہ طے پانے والے عبوری معاہدے کو اسی انداز میں بیان کیا تھا یہ سمجھوتہ اب بھی آزمائش سے گزر رہا ہے اور بار بار کشیدگی کا شکار ہو رہا ہے.

(جاری ہے)

انہوں نے لکھا کہ ایسا لگتا ہے کہ خطہ فی الحال نہ جنگ، نہ امن کی کیفیت میں رہنے والا ہے اس صورتحال کی بنیادایک کمزور‘ مختصر اور مبہم الفاظ پر مشتمل مفاہمتی یادداشت ہے جس کی دونوں فریق اپنی اپنی تشریح کر رہے ہیں ایران کا موقف ہے کہ اس معاہدے نے اسے آبنائے ہرمز جیسے اہم بحری راستے کے انتظام سے متعلق کردار دیا ہے اور جہازوں کو اس کے مقرر کردہ راستوں سے گزرنا چاہیے .

دوسری جانب امریکہ کا کہنا ہے کہ اس معاہدے کے نتیجے میں بین الاقوامی بحری آمدورفت کی آزادانہ روانی بحال ہوئی ہے اگرچہ کوئی بھی فریق مکمل جنگ کی طرف لوٹنا نہیں چاہتا لیکن دونوں اپنی پوزیشن منوانے کے لیے محدود سطح پر دباﺅ اور جوابی کارروائیاں جاری رکھنے کے لیے تیار دکھائی دیتے ہیں دونوں حکومتوں کو اپنے اپنے حلقوں میں موجود سخت گیر عناصر کے دباﺅ کا بھی سامنا ہے اس کشیدہ ماحول میں ٹرمپ نے ایک بار پھر ایران کے بارے میں کہا ہے کہ وہ معاہدہ کرنے کے لیے بے تاب ہیں.

امریکی صدر نے گزشتہ انقرہ میں صحافیوں سے گفتگو میں ایم اویو اور جنگ بندی کے خاتمے کا اعلان کیا تھا ان کا کہنا تھا ایرانیوں سے ڈیل نہیں کرنا چاہتا‘ ایرانیوں کے پاس جوہری ہتھیار ہوتے تو وہ انہیں استعمال کرتے، میں ایران کے ساتھ اپنا وقت ضائع کرنا نہیں چاہتا. امریکی صدر کا کہنا تھا کہ ہم نے گزشتہ رات ان پر سخت حملہ کیا، انہیں بتا دیا تھا جب بھی حملہ کرو گے تو ہم بھی حملہ کریں گے، ہمارا مقصد ایران کو جوہری صلاحیت سے محروم کرنا ہے ٹرمپ نے کہا کہ ہم ایران کو غیر جوہری بنا کر رہیں گے، وہ اچھے لوگ نہیں، وہ سب کو نشانہ بناتے ہیں بشمول میرے.