امریکی حملوں کے جواب میں ایران کے بحرین، کویت اور قطر میں امریکی اڈوں اور دیگر تنصیبات پر حملے

تہران/دوحہ(اردوپوائنٹ اخبارتازہ ترین-انٹرنیشنل پریس ایجنسی۔09 جولائی ۔2026 ) ایران نے کہا ہے کہ بحرین، کویت اور قطر میں امریکی اڈوں اور دیگر تنصیبات کو نشانہ بنایا گیا ہے جبکہ امریکہ نے مسلسل دوسری رات ایرانی شہروں پر بمباری کی آبنائے ہرمز کے ساتھ ایرانی شہروں بشمول بوشہر، چابہار، بندر عباس اور سرک میں ہونے والے دھماکوں کی اطلاع کے ساتھ دو دنوں کے دوران امریکی حملوں میں 14 افراد ہلاک اور 78 زخمی ہوئے ہیں.

(جاری ہے)

عرب نشریاتی ادارے کے مطابق بحرین میں سائرنوں کی آوازیں سنائی دے رہی ہیں‘ حکام نے لوگوں کو پناہ لینے کی ہدایت کی ہے کویت کی وزارت دفاع نے بھی متعدد انتباہات جاری کیئے ہیں کیونکہ ایران سے آنے والے ڈرونز اور میزائلوں کی ایک بڑی تعداد کویتی افواج کے لیے مسلہ بنی ہوئی ہے ان حملوں کے دوران کویت میں ایک شخص کے زخمی ہونے کی تصدیق ہوئی ہے.

ایران کا کہنا ہے کہ خلیجی ممالک پورے خطے میں امریکی فوجی کارروائیوں کی حمایت کرتے ہیں تاہم وہ عوامی سطح پر بیانات میں کہتے ہیں کہ وہ اس تنازعے کے فریق نہیں ہیں اور وہ اس جنگ میں نہیں گھسیٹا جانا چاہتے ہیں ایران کا مطالبہ ہے خطےکے عرب ممالک امریکی فوجی اڈوں کی میزبانی سے دستبردار ہوں. دوسری جانب قطر نے آبنائے ہرمز اور پورے خطے میں ہونے والے حملوں کی مذمت کی ہے اور تمام فریقین پر زور دیا ہے کہ وہ مذاکرات کی میز پر واپس جائیں رپورٹ میں بتایا گیا ہے کہ ایران کے صوبہ بوشہر میں کئی دھماکوں کی آوازیں سنی گئی ہیں بوشہر میں ایران کا نیوکلیئر پاور پلانٹ واقع ہے ایران کا واحد کام کرنے والا جوہری پلانٹ، بوشہر تنصیب اسرائیل اور امریکہ کی ایران کے خلاف جنگ کے دوران بار بار حملوں کی زد میں آئی، جس سے ممکنہ جوہری مواد کے اخراج کا خدشہ پیدا ہوا .

ایران کی جانب سے تازہ ترین حملوں میں بحرین اور کویت میں امریکی فوجی تنصیبات کو نشانہ بنایا ہے ایران کا دعوی ہے کہ آئی آر جی سی کے حملوں میں کویت میں پیٹریاٹ میزائل سسٹم، قطر میں سیٹلائٹ اینٹینا اور بحرین میں امریکی فوج کے ایندھن کے ڈپو کو نشانہ بنایا گیا ہے حکام انتباہ دے رہے ہیں کہ اگر امریکی حملے جاری رہے تو آئی آر جی سی خطے کے دیگر خلیجی ممالک میں بھی امریکی فوجی اڈوں تک اپنے حملوں کو وسعت دے گی ‘ایرانی افواج کا کہنا ہے کہ امریکی حملو ں کے جواب میں ایران خطے میں امریکی تنصیبات پر حملے جاری رکھے گا پڑوسی خلیجی ریاستوں کو نشانہ بنا نے کے حوالے سے ترجمان کا کہنا ہے کہ یہ ریاستیں امریکی حملوں کے لیے فضائی حدود فراہم کرنے کے علاوہ امریکی افواج کی میزبانی کرتی ہیں اور ایران پر حملوں کے لیے جنگی طیارے انہی پڑوسی ممالک سے پروازیں کرتے ہیں ‘ تہران کی حکمت عملی کا مقصد خلیجی ممالک پر امریکی حملوں کو روکنے کے لیے دباﺅ ڈالنا ہے.

ادھرکویت نے اپنی سرزمین پر ایران کے حملوں کی مذمت کرتے ہوئے کہا ہے کہ حملوں سے خطے میں کشیدگی بڑھے گی کویتی وزارت خارجہ کے ایک بیان میں کہا گیا ہے کہ اس کی خودمختاری ایک سرخ لکیر ہے اور کویت اپنی سلامتی کے تحفظ اور اپنی خودمختاری کے تحفظ کے لیے جو بھی ضروری ہو اسے لینے کے اپنے تمام حقوق محفوظ رکھتا ہے بیان میں کہا گیا ہے کہ ایران کی طرف سے سخت جارحیت سے علاقائی امن اور سلامتی کو خطرہ ہے اور پرامن طریقوں سے معاملات کو حل کرنے کی سفارتی کوششوں کو نقصان پہنچا ہے.