پاکستان کا79واں جشن آزادی 14اگست روایتی جوش و خروش اور ملی جذبہ کے ساتھ منایا جائیگا

پیر 10 اگست 2026 10:55

مکوآنہ(اُردو پوائنٹ اخبارتازہ ترین - این این آئی۔ 10 اگست2026ء) پاکستان کا79واں جشن آزادی 14اگست کو روایتی جوش و خروش اور ملی جذبہ کے ساتھ منایا جائے گا جشن آزادی کے سلسلے میں فیصل آباد سمیت ملک بھر کے تمام چھوٹے بڑے شہروں میں تقریبات منعقد ہوں گی ۔دن کا آغاز مساجد میں تحریک آزادی کے شہدا کیلئے قرآن خوانی سے ہو گا جبکہ ملک و قوم کی سلامتی ،ترقی و خوش حالی اور وطن کی حفاظت کیلئے سرحدوں پر تعینات پاک فوج کے جوانوں کیلئے خصوصی دعائیں مانگی جائیں گی ۔

مزار قائد اور مزار اقبال پر گارڈز کی تبدیلی کی پروقار تقریبات منعقد ہوں گی سرکاری و نجی عمارتوں،گھروں پر قومی پرچم لہرائے جائیں گے اور مقبوضہ کشمیر کے کشمیری مسلمانوں کے ساتھ یکجہتی کا اظہار کیا جائے گا جبکہ مارکیٹوں اور گلیوں بازاروں کو رنگ برنگی جھنڈیوں سے سجایا جائے گارات کو عمارتوں کو برقی قمقموں سے سجایا جائے گاپرچم کشائی کی تقریبات منعقد ہوں گی فیصل آباد میں جشن آزادی کے سلسلے میں سب سے بڑی تقریب میونسپل کمیٹی کے سبزہ ز ار میں ہو گی جہاں پرچم کشائی اور پنجاب پولیس کا مارچ پاسٹ ہو گا ۔

(جاری ہے)

جشن آزادی کے سلسلے میں بچوں ،مردو خواتین میں بے پناہ جوش و خروش پایا جاتا ہے ملک بھر کے تمام شہروں میں گلی محلوں اور بازاروں کو رنگ برنگی جھنڈیوں سے سجایا گیا ہے تمام شہروں میں قومی پرچم ،جھنڈیوں،بیجز وغیرہ کی خرید عروج پر پہنچ چکی ہے جبکہ پولیس کی جانب سے سخت ترین حفاظتی اقدامات کیے گئے ہیں۔