جنوبی کوریا کی کمپنی کے لاپتہ بحری جہاز اور عملے کی تلاش جاری

پیر 3 اپریل 2017 11:36

سیئول (اُردو پوائنٹ اخبارآن لائن۔3اپریل ۔2017ء)جنوبی کوریا کی وزارت خار جہ کے ایک ترجمان نے کہا ہے کہ "22 لاپتا افراد کی تلاش کے لئے امدادی کارروائی جاری ہے۔امریکی نشریاتی ادارے کے مطابق جنوبی کوریا کی وزارت خارجہ کا کہنا ہے ہے ان کے ملک کی ایک کمپنی کا مال بردار بحری جہاز جنوبی بحر اوقیانوس کے ساحل سے تقریباً 25 سو کلومیڑ دور سمندر میں لاپتا ہو گیا ہے جس کے عملے کے 22 ارکان کا ابھی تک کوئی سراغ نہیں مل سکا ہے۔

جنوبی کوریا کی سرکاری خبر رساں ایجنسی 'ینہاپ' کا کہنا ہے کہ امدادی کارکنوں نے ہفتہ کو ربڑ کے تختے پر سوار جہاز کے عملے کے دو ارکان کو بچا لیا جن کا تعلق فلپائن سے ہے۔جنوبی کوریا کی وزارت خار جہ کے ایک ترجمان نے سیئول سے فون پر بتایا کہ "22 لاپتا افراد کی تلاش کے لئے امدادی کارروائی جاری ہے۔

(جاری ہے)

" انہوں نے مزید کہا کہ لاپتا ہونے والے افراد میں سے 8 کا تعلق جنوبی کوریا اور 14 کا فلپائن سے ہے۔

ایک عہدیدار نے نام ظاہر نا کرنے کی شرط پر بتایا کہ جنوبی کوریا نے برازیل اور یوراگوئے سے تلاش اور امدادی کارروائیوں میں مدد کی درخواست کی ہے۔دھاتوں کی نقل و حمل کے لئے استعمال ہونے والا اسٹیلر ڈیزی نامی جہاز جنوبی کوریا کی پولیرس نامی کمپنی کی ملکیت تھا اور جب اس نے جمعہ جہاز راں کمپنی کو ہنگامی پیغام بھیجا تو اس وقت یہ خام لوہا لے کر برازیل سے چین کی طرف محو سفر تھے۔جہاز کے عملے کے ایک رکن کی طرف سے پولیرس کو جمعہ کے ملنے والے آخری پیغام میں کہا گیا کہ جہاز ایک طرف جھک رہا ہے اور دائیں جانب سے اس میں پانی داخل ہو رہا ہے۔

Facebook Twitter Google + Share on Whatsapp

جنوبی کوریا کی کمپنی کے لاپتہ بحری جہاز اور عملے کی تلاش جاری

پیر 3 اپریل 2017 کی مزید خبریں