نوازشریف پہلے استعفیٰ دے دیتے تواتنی جگ ہنسائی نہ ہوتی ،آصف زرداری

وزیراعظم سازش کی بات کرکے اشارہ عدالت کی طرف کررہے ہیں ،جب تک نوازشریف پرکوئی چارج فریم نہیں ہوتاوہ سوال کرتے رہیں گے کہ ان پرالزام کیاہی ہمیں پانامہ کیس کے فیصلے کاانتظارکرناچاہئے ،فیصلے سے قبل میں کچھ اسٹیٹمنٹ نہیں دوں گا،حکمران ڈیلیورنہیں کرسکے ، پیپلزپارٹی ہی دوبارہ حکومت میں آکرڈیلیورکریگی ،نجی ٹی وی کوانٹرویو

اتوار 23 جولائی 2017 23:30

اسلام آباد(اُردو پوائنٹ اخبار آن لائن۔ پیر 24 جولائی 2017ء)پیپلزپارٹی کے شریک چیئرمین سابق صدرآصف علی زدراری نے کہاہے کہ وزیراعظم نوازشریف پہلے استعفیٰ دے دیتے تواتنی جگ ہنسائی نہ ہوتی ،وزیراعظم سازش کی بات کرکے اشارہ عدالت کی طرف کررہے ہیں ،جب تک نوازشریف پرکوئی چارج فریم نہیں ہوتاوہ سوال کرتے رہیں گے کہ ان پرالزام کیاہی ،ہمیں پانامہ کیس کے فیصلے کاانتظارکرناچاہئے ،فیصلے سے قبل میں کچھ اسٹیٹمنٹ نہیں دوں گا،حکمران ڈیلیورنہیں کرسکے ،پاکستان پیپلزپارٹی ہی دوبارہ حکومت میں آکرڈیلیورکریگی ۔

اتوارکے روزنجی ٹی وی کوانٹرویودیتے ہوئے انہوںنے کہاکہ پیپلزپارٹی کاہروقت احتساب ہوا،ڈاکٹرعاصم باہرجانے کی درخواست کررہے ہیں نوازشریف پہلے استعفیٰ دے دیتے توان کی جگ ہنسائی نہ ہوتی ،لواری ٹنل کاکام بھٹوصاحب نے شروع کروایا،میاں نوازشریف کے خلاف کوئی سازش نہیں ہورہی سازش کی بات کرکے وہ اشارہ عدالتوں کی طرف کررہے ہیں ۔

(جاری ہے)

جب تک نوازشریف پرجارج فریم نہیں ہوتاجب تک نوازشریف کہیں گے کہ ان پرالزام کیاہے ،نوازشریف توخودکومظلوم ہی ثابت کریںگے ۔

انہوںنے کہاکہ شریف خاندان کی حرکتیں نہ مجھے سمجھ آئی ہیں نہ پسندآتی ہیں ،ان کی حرکتوں سے دوسرے سیاستدان بھی بدنام ہوتے ہیں ،وفاقی وزراء اپناکام چھوڑکرنوازشریف کوبچانے میں لگے ہیں ۔نوازشریف کے خلاف فیصلہ آیاتوانہیں جاناہی ہوگا۔انہوںنے کہاکہ وزیراعظم کی نااہلی نظرآرہی ہے ،وزیرخزانہ کوپیسے دینے والاہمارابھی دوست ہے ،میرانہیں خیال کہ اسے متنازعہ بناناچاہئے ،شیخ ہمارااورپاکستان کاحامی اوردوست ہے ،کل ہم نے رہناہے یانہیں دوسرے ممالک کے ساتھ تعلقات پاکستان کے ساتھ رہیں گے ۔

حکمرانوں کواس بات کاخیال کرناچاہئے ۔انہوںنے کہاکہ قطری شہزادے نے کہاکہ ان کے دادانے مجھے بتایاتھاکہ میاں شریف نے انویسٹمنٹ کی ہے ،قطری خط میں بھی کافی مسائل ہیں ۔اسحاق ڈارکے پاس دوآپشنزہیں ہمیں فیصلے کاانتظارکرناچاہئے کچھ کہناقبل ازوقت ہوگا۔