گرمی کی چھٹیاں منسوخ کردی گئیں

عام انتخابات کی تیاریوں کیلئے پنجاب کا کالج اساتذہ کی گرمیوں کی چھٹیاں منسوخ کرنے کا فیصلہ‘ مراسلہ بھی جاری‘ذرائع

بدھ 9 مئی 2018 19:51

لاہور(اُردو پوائنٹ اخبار آن لائن۔ بدھ 9 مئی 2018ء) عام انتخابات کی تیاریوں کیلئے محکمہ ہائر ایجوکیشن پنجاب کا کالج اساتذہ کی گرمیوں کی چھٹیاں منسوخ کرنے کا فیصلہ، ڈی پی آئی کالجز پنجاب ڈاکٹر نصر اللہ ورک کی جانب سے مراسلہ بھی جاری کردیا ۔

(جاری ہے)

ذرائع کے مطابق محکمہ ہائر ایجوکیشن پنجاب کی جانب سے سرکاری کالجوں کے اساتذہ کی موسم گرما کی چھٹیاں بند کرنے کا فیصلہ کیا ہے اور اس ضمن میں ڈی پی آئی کالجز پنجاب ڈاکٹر نصر اللہ ورک کی جانب سے مراسلہ بھی جاری کر دیا گیا ہے۔

سرکاری کالجوں کے اساتذہ کو موسم گرما کی تعطیلات کے دوران ایکس پاکستان لیو بھی نہیں دی جائے گی مراسلے میں کہا گیا ہے کہ جن اساتذہ کی الیکشن ڈیوٹیز ہیں وہ اپنی ڈیوٹیاں سر انجام دیں گے تاکہ جنرل الیکشن کے دوران مشکلات پیدا نہ ہوں۔ ڈی پی آئی کالجز نے ڈائریکٹر کالجز اور پرنسپلز کو اس مراسلے پر سختی سے عمل درآمد کرنے کی ہدایات جاری کی گئی ہیں۔