جرمن ‘ آئندہ دفن ہونے والوں کا انتخاب لاٹری کے ذریعے کیا جائے گا

فطری حسن سے مالا مال یہ جگہ نازی رہنما اڈولف ہٹلر کا پسندیدہ تعطیلاتی مقام تھی

اتوار 15 جولائی 2018 12:40

برلن (اُردو پوائنٹ اخبار آن لائن۔ اتوار 15 جولائی 2018ء)جرمنی میں ایلپس کے پہاڑی سلسلے کے دامن میں واقع ایک انتہائی خوبصورت شہر میں آئندہ دفن ہونے والوں کا انتخاب لاٹری کے ذریعے کیا جائے گا۔ فطری حسن سے مالا مال یہ جگہ نازی رہنما اڈولف ہٹلر کا پسندیدہ تعطیلاتی مقام تھی۔خبر رساں ادارے ڈی پی اے کی ہفتہ چودہ جولائی کو ملنے والی رپورٹوں کے مطابق جنوبی جرمن صوبے باویریا میں یہ شہر ایک ایسی سرسبز و شاداب وادی کے کنارے واقع ہے، جہاں سے ایلپس کے پہاڑی سلسلے کا جرمنی میں واقع حصہ شروع ہوتا ہے۔

اس جرمن شہر کا نام ’بًیرشتًیس گاڈن‘ (Berchtesgaden) ہے۔اس شہر میں انتقال کر جانے والوں کی تدفین کے لیے مقررہ جگہ ایک طویل عرصے سے ناکافی ثابت ہو رہی ہے۔

(جاری ہے)

بہت سے لوگ یہ خواہش کرتے ہیں کہ مرنے کے بعد ان کی آخری آرام گاہ اسی شہر میں ہونی چاہیے لیکن مقامی حکام جگہ کی کمی کی وجہ سے ایسی بہت سے درخواستیں مجبورا? رد کرتے آئے ہیں۔اب بلدیاتی حکام نے اعلان کیا ہے کہ اس شہر میں تدفین کے لیے 200 ایسی جگہیں خالی ہو گئی ہیں، جن میں سے 140 باقاعدہ قبروں کی جگہیں جن میں مردوں کو دفنایا جا سکے گا جبکہ باقی ماندہ 60 جگہیں ایسی ہیں، جن میں مردوں کے جلائے جانے کے بعد صرف ان کی راکھ والے راکھ دان ہی دفنائے جا سکیں گے۔

’بًیرشتًیس گاڈن‘ کی موجودہ آبادی دو لاکھ اسی ہزار نفوس پر مشتمل ہے۔ وہاں مستقبل میں اپنی تدفین کے لیے جو باشندے ابھی سے درخواستیں دینا چاہتے ہیں، ان میں جرمنی کے دیگر شہروں اور قصبوں کے رہائشی افراد کے علاوہ مقامی باشندوں کو اجازت مل جانے کا امکان بھی کافی زیادہ ہے۔