امریکہ پاکستانی بچوں کے لیے ایک کروڑ ساٹھ لاکھ کووڈ ویکسین فراہم کرے گا
ریاستہائے متحدہ امریکہ کوویکس کے ساتھ ایک معاہدہ کے تحت پاکستان کو بچوں کے لیے تیارکی گئی کووڈ-۱۹ٹیکوں کی ایک کروڑ ساٹھ لاکھ خوراکیں عطیہ کرے گا، جس کے بعد پاکستان کوامریکہ کی جانب سے دی جانے والی کورونا ویکسین کی تعداد سات کروڑ سترلاکھ سے زیادہ ہوجائے گی
اسلام آباد (اُردو پوائنٹ اخبارتازہ ترین۔ 27 جولائی2022ء) ریاستہائے متحدہ امریکہ کوویکس کے ساتھ ایک معاہدہ کے تحت پاکستان کو بچوں کے لیے تیارکی گئی کووڈ-۱۹ٹیکوں کی ایک کروڑ ساٹھ لاکھ خوراکیں عطیہ کرے گا، جس کے بعد پاکستان کوامریکہ کی جانب سے دی جانے والی کورونا ویکسین کی تعداد سات کروڑ سترلاکھ سے زیادہ ہوجائے گی۔
ٹیکوں کی نئی کھیپ کی فراہمی کا اعلان واشنگٹن میں پاکستان اورامریکہ کے درمیان منعقد ہونے والے پہلے ہیلتھ ڈائیلاگ کے اختتام کے موقع پرکیا گیا۔ مزید برآں یوایس ایڈ کی جانب سے مالی اعانت کی مد میں دو کروڑ ڈالر اضافی معانت بھی پاکستان کو ویکسی نیشن مہم کی کوششوں میں مدد کے طور پر مہیا کرنے کا منصوبہ ہے۔ واضح رہے کہ وبا کے آغاز سے لیکراب تک امریکی حکومت کی جانب سے پاکستان کو سات کروڑچارلاکھ ڈالر کی براہ راست اور۱ کروڑ ۳۸ لاکھ ڈالر مالیت کا سامان کووڈ-۱۹ کے خلاف جنگ میں معاونت کے طور پر دیا گیا ہے۔(جاری ہے)
امریکہ پاکستان کوسب سے زیادہ کورونا ویکسین عطیہ کرنے والا واحد مُلک ہے۔ فائزراورموڈرنا ویکسین کےعلاوہ امریکہ نے یوایس ایڈ کے توسط سے چھیالیس لاکھ ڈالرمالیت کی چارموبائل لیبارٹریز پاکستان کے قومی ادارہ برائے صحت کو فراہم کی ہیں۔ یہ لیبارٹریزکورونا وبا اور دیگر متعدی امراض کی تشخیص کی استعداد کار بڑھانے میں پاکستان کی معاون ثابت ہوں گی خاص طور پر دُورافتادہ اورسہولیات سے محروم علاقوں کے لوگ اس سہولت سے مستفید ہوں گے۔
یاد رہے کہ امریکہ نے پاکستان کوبارہ لاکھ این نائنٹی فائیو ماسک، چھانوے ہزارسرجیکل ماسک، باون ہزارحفاظتی گوگلز، دس لاکھ کووڈ فوری ٹیسٹ کے لیے درکار آلات، بارہ سوسے زائد پلس آکسی میٹرزاورچونسٹھ پاکستانی ہسپتالوں کے لیے دو سو وینٹی لیٹرز بھی فراہم کیے ہیں۔ امریکی حکومت نے پاکستان بھرمیں تیس ہزارسے زیادہ خواتین صحت کارکنوں کو کورونا متاثرین کی گھر ہی میں دیکھ بھال کی تربیت فراہم کی ہے اور مرض کی نگرانی اور رد عمل کے یونٹ اور ٹیموں کا نیٹ ورک بھی تشکیل دیا ہے، جس کے نتیجہ میں موجودہ وبا کی لہراور مستقبل میں آنے والی ممکنہ بیماریوں سے مقابلہ کے لیے بنیادی ڈھانچہ فراہم ہوا ہے۔
اس موقع پراظہارِ خیال کرتے ہوئے امریکی سفیر ڈونلڈ بلوم نے صحت کے شعبہ میں مضبوط باہمی تعاون کی اہمیت پرزوردیا اور کووڈ-۱۹ کے خلاف جنگ میں پاکستان کی شراکت کا ذکر اور تعاون پر شکریہ ادا کرتے ہوئے کہا کہ پچہترسال پرمُحیط باہمی تعلقات کے دوران ہم نے اپنے تعاون اور شراکت کے فروغ پرکام کیا ہے جو کہ کورونا وبا کے سدباب اور پاکستان میں اُس کے پھیلاؤ کے خاتمہ کے لیے کوششوں سے بھی عیاں ہے۔
ہم صحتِ عامہ کو لاحق اس دیرینہ مشکل پرقابوپانے کے لیے شانہ بشانہ کام کریں گے۔ امریکہ اورپاکستان کےحُکام، طبی ماہرین، نرسوں اور ترسیلات کے شعبہ سے وابستہ پیشہ ورافراد کے درمیان قریبی اشتراک کے نتائج عملی طور پراورانسانی زندگیوں کے تحفظ کی صورت میں نکل رہے ہیں۔ یاد رہے کہ ویکسین کی ہراضافی خوراک مسقتبل میں ممکنہ طور پر آنے والی کووڈ-۱۹ کی لہروں کے مقابلہ کے لیے ہماری استعداد میں اضافہ کرتی ہے۔ امریکہ کورونا اوردیگرمتعدی امراض کے سدباب کی استعداد کارمیں اضافہ کے لیے پاکستان کے تمام محکموں کے ساتھ کام کرے گا۔Browse Latest Health News in Urdu
ڈریپ نے معدے کے علاج کی دوا کا ایک بیچ غیر معیاری قرار دے دیا
ڈاؤ یونیورسٹی نے کتے کے کاٹے کی ویکسین اینٹی ریبیز ویکسین" ڈاؤ ریب" تیار کرلی
پاکستان میں مقامی طور پر انسولین کی پیداوار شروع کرنے کا مطالبہ
موٹاپے کے سبب کم عمر لڑکیوں میں جوڑوں کی تکلیف کا انکشاف
سائنسدانوں نے پاکستان میں کوویڈ-19 کے انفیکشن سے کم نقصانات ہونےکی وجوہات ظاہرکردیں
پاکستان میں پہلی بارایک جگر کی دو مریضوں میں پیوندکاری اورلبلبے کی ٹرانسپلانٹ کا کامیاب تجربہ
6 گھنٹے سے کم کی نیند ذیا بیطس کے اضافی خطرات کا سبب قرار
ہومیو پیتھک طریقہ علاج سے ہزاروں مریض بغیر آپریشن کے شفا یاب ہو رہے ہیں ، صدرڈاکٹرخادم حسین کھیڑا
’’ پنز‘‘مفت ادویات کی فراہمی میں صوبے کے سرکاری ہسپتالوں میں پہلے نمبر پرآگیا
ہارٹ اٹیک کے مریضوں کیلئے پہلا گھنٹہ انتہائی اہم ہوتا ہے،بروقت علاج سے زندگی بچائی جاسکتی ہیں، ایم ..
میو ہسپتال میں گردوں کی پتھریوں کیلئے جدید طریقہ علاج پی سی این ایل اپنا لیا گیا
دوگھنٹے سے زیادہ سمارٹ فون اور ڈیوائسزکا استعمال آپ کو توجہ کی کمی‘ جینیاتی عارضے اور مسلسل ذہنی خلفشار ..
سول ہسپتال میں جدید طبی سہولیات کی فراہمی کا عزم، ڈی سی جہلم نے جدید ترین آپریشن تھیٹر کا افتتاح کر دیا
پنجاب میں 24 گھنٹوں کے دوران نمونیا سے مزید 5 بچے دم توڑ گئے
پاکستان میں ایک کروڑستر لاکھ سے زائد لوگ گردوں کے امراض میں مبتلا ہیں
سرکاری ہسپتالوں میں سی ٹی سکین سروسزکی آؤٹ سورسنگ کے معاہدے پردستخط
2050 تک ذیابیطس کے مریضوں کی تعداد ایک ارب 30 کروڑتک پہنچ سکتی ہے
پاکستان بھر میں آج کل لوگوں کے بیمار ہونے کا سبب بننے والے مرض کی نشاندہی کر دی گئی
وزن کو کنٹرول کرنے کیلئے زیتون کا تیل انتہائی موثر ہے،ڈاکٹر محمد احمد سندھو
برطانیہ ،چھینک روکنے کی کوشش پرنوجوان کی سانس کی نالی پھٹ گئی
30 سال میں امراض قلب سے اموات 60 فیصد بڑھ گئیں
شادی کے بعد ہائی بلڈ پریشر کا خطرہ بڑھ جاتا ہے، تحقیق
24 گھنٹے کے دوران صوبے بھر میں 64نئے مریضوں میں ڈینگی کی تصدیق
کراچی ٹائون پلاننگ سے محروم ملک کا سب سے بڑا شہر