امریکہ کا پاکستان کے لیے کورونا ویکسین کی ۹۰ لاکھ اضافی خوراکوں کا عطیہ
پاکستان کو کووڈ-۱۹ سے بچاؤ کے لیے سات کروڑ ۷۰ لاکھ ویکسین کی فراہمی کے امریکی عزم کے تحت اور کوویکس کے اشتراک سے بچوں اور بڑوں کے لیے ویکسین کی نوّے لاکھ اضافی خوراکوں کی آمد کا سلسلہ ۲۶ اگست سے شروع ہو گیا ہے۔
ہفتہ 27 اگست 2022 14:02
امریکہ پاکستان کو سب سے زیادہ کووڈ-۱۹ ٹیکے عطیہ کرنے والا واحد مُلک ہے۔ فائزر اور موڈرنا کی تیار کردہ مذکورہ ویکسین کے ساتھ امریکہ نے حال ہی میں پاکستان کے قومی ادارہ برائے صحت کو ۴۶ لاکھ ڈالر مالیت کے چار موبائل ٹیسٹ لیب بھی دیے ہیں۔ اِن لیبارٹریوں نے پاکستان بھرخصوصاً دُور افتادہ اور سہولیات سے محروم علاقوں میں بیماریوں کی تشخیص کی استعدادکار میں اضافہ کیا ہے۔
امریکہ اور پاکستان کے درمیان باہمی تعلقات کے۷۵ سال مکمل ہونے پر، صحت کے شعبہ میں دو طرفہ مضبوط تعاون کا احاطہ کرتے ہوئے امریکی سفیر ڈونلڈ بلَوم نے کہا کہ ہم نے پاکستان کو جو ویکسین، دیگر سامان اور تربیت فراہم کی ہے اور اُس کے ساتھ پاکستان میں حفظانِ صحت کے ماہرین کی مہارت اور لگن سے ہمارے دونوں ممالک کو کووڈ-۱۹ سے نمٹنے کے لیے مِل جُل کر کام کرنے کا موقع میسر ہوگا اور پاکستانی عوام کی تندرستی اور سلامتی کو یقینی بنانے میں معاونت فراہم ہوگی۔
(جاری ہے)
واضح رہے کہ پاکستان میں جاری انسداد کورونا مہم کی معاونت کے لیے یو ایس ایڈ کی جانب سے دو کروڑ ڈالر کی اضافی امداد کی منصوبہ بندی بھی کی گئی ہے۔ وبا کے آغاز سے لیکراب تک امریکی حکومت کی جانب سے پاکستان کو سات کروڑچارلاکھ ڈالر کی براہ راست اورایک کروڑ ۳۸ لاکھ ڈالر مالیت کا سازوسامان کووڈ-۱۹ کے خلاف جنگ میں معاونت کے طور پر دیا گیا ہے۔
یاد رہے کہ امریکہ نے پاکستان کوبارہ لاکھ این نائنٹی فائیو ماسک، چھیانوے ہزارسرجیکل ماسک، باون ہزارحفاظتی گوچشمے، دس لاکھ فوری تشخیصی ٹیسٹ ،بارہ سو پلس آکسی میٹرزاورچونسٹھ پاکستانی ہسپتالوں کے لیے دو سو وینٹی لیٹرز بھی فراہم کیے ہیں، جو پاکستان بھر میں انسانی زندگیوں کے تحفظ کا باعث بنے ہیں۔ امریکی حکومت نے پاکستان بھرمیں تیس ہزارسے زیادہ خواتین سمیت پچاس ہزار صحت کارکنوں کو کورونا متاثرین کی گھر ہی میں دیکھ بھال کی تربیت فراہم کی ہے اور مرض کی نگرانی اور رد عمل کے یونٹ اور ٹیموں کا نیٹ ورک بھی تشکیل دیا ہے، جس کے نتیجہ میں موجودہ وبا کی لہراور مستقبل میں آنے والی ممکنہ بیماریوں سے مقابلہ کے لیے بنیادی ڈھانچہ فراہم ہوا ہے۔
امریکہ اورپاکستان کےحُکام، طبی ماہرین، نرسوں اور ترسیلات کے شعبہ سے وابستہ پیشہ ورافراد کے درمیان قریبی اشتراک کے نتائج عملی طور پراورانسانی زندگیوں کے تحفظ کی صورت میں نکل رہے ہیں۔ یاد رہے کہ ویکسین کی ہر اضافی خوراک مستقبل میں ممکنہ طور پر آنے والی کووڈ-۱۹ کی لہروں کے مقابلہ کے لیے ہماری استعداد میں اضافہ کرتی ہے۔ امریکہ کورونا اور دیگر متعدی امراض کے سدباب کی استعداد کارمیں اضافہ کے لیے پاکستان کے ساتھ مل کر کام کرتا رہے گا۔
Browse Latest Health News in Urdu
ڈریپ نے معدے کے علاج کی دوا کا ایک بیچ غیر معیاری قرار دے دیا
ڈاؤ یونیورسٹی نے کتے کے کاٹے کی ویکسین اینٹی ریبیز ویکسین" ڈاؤ ریب" تیار کرلی
پاکستان میں مقامی طور پر انسولین کی پیداوار شروع کرنے کا مطالبہ
موٹاپے کے سبب کم عمر لڑکیوں میں جوڑوں کی تکلیف کا انکشاف
سائنسدانوں نے پاکستان میں کوویڈ-19 کے انفیکشن سے کم نقصانات ہونےکی وجوہات ظاہرکردیں
پاکستان میں پہلی بارایک جگر کی دو مریضوں میں پیوندکاری اورلبلبے کی ٹرانسپلانٹ کا کامیاب تجربہ
6 گھنٹے سے کم کی نیند ذیا بیطس کے اضافی خطرات کا سبب قرار
ہومیو پیتھک طریقہ علاج سے ہزاروں مریض بغیر آپریشن کے شفا یاب ہو رہے ہیں ، صدرڈاکٹرخادم حسین کھیڑا
’’ پنز‘‘مفت ادویات کی فراہمی میں صوبے کے سرکاری ہسپتالوں میں پہلے نمبر پرآگیا
ہارٹ اٹیک کے مریضوں کیلئے پہلا گھنٹہ انتہائی اہم ہوتا ہے،بروقت علاج سے زندگی بچائی جاسکتی ہیں، ایم ..
میو ہسپتال میں گردوں کی پتھریوں کیلئے جدید طریقہ علاج پی سی این ایل اپنا لیا گیا
دوگھنٹے سے زیادہ سمارٹ فون اور ڈیوائسزکا استعمال آپ کو توجہ کی کمی‘ جینیاتی عارضے اور مسلسل ذہنی خلفشار ..
سول ہسپتال میں جدید طبی سہولیات کی فراہمی کا عزم، ڈی سی جہلم نے جدید ترین آپریشن تھیٹر کا افتتاح کر دیا
پنجاب میں 24 گھنٹوں کے دوران نمونیا سے مزید 5 بچے دم توڑ گئے
پاکستان میں ایک کروڑستر لاکھ سے زائد لوگ گردوں کے امراض میں مبتلا ہیں
سرکاری ہسپتالوں میں سی ٹی سکین سروسزکی آؤٹ سورسنگ کے معاہدے پردستخط
2050 تک ذیابیطس کے مریضوں کی تعداد ایک ارب 30 کروڑتک پہنچ سکتی ہے
پاکستان بھر میں آج کل لوگوں کے بیمار ہونے کا سبب بننے والے مرض کی نشاندہی کر دی گئی
وزن کو کنٹرول کرنے کیلئے زیتون کا تیل انتہائی موثر ہے،ڈاکٹر محمد احمد سندھو
برطانیہ ،چھینک روکنے کی کوشش پرنوجوان کی سانس کی نالی پھٹ گئی
30 سال میں امراض قلب سے اموات 60 فیصد بڑھ گئیں
شادی کے بعد ہائی بلڈ پریشر کا خطرہ بڑھ جاتا ہے، تحقیق
24 گھنٹے کے دوران صوبے بھر میں 64نئے مریضوں میں ڈینگی کی تصدیق
کراچی ٹائون پلاننگ سے محروم ملک کا سب سے بڑا شہر