بند کریں
صحت صحت کی خبریںگورنر شپ کے 17ماہ میں خود کو انتہائی بے بس محسوس کیا ‘ چوہدری محمد سرور ،
یوتھ آخری امید ہے ..

صحت خبریں

وقت اشاعت: 22/02/2015 - 13:05:11 وقت اشاعت: 22/02/2015 - 12:41:31 وقت اشاعت: 22/02/2015 - 11:38:38 وقت اشاعت: 21/02/2015 - 22:42:51 وقت اشاعت: 21/02/2015 - 21:33:51 وقت اشاعت: 21/02/2015 - 20:55:12 وقت اشاعت: 21/02/2015 - 20:25:58 وقت اشاعت: 21/02/2015 - 19:39:02 وقت اشاعت: 21/02/2015 - 19:10:35 وقت اشاعت: 21/02/2015 - 18:34:06 وقت اشاعت: 21/02/2015 - 17:21:22

گورنر شپ کے 17ماہ میں خود کو انتہائی بے بس محسوس کیا ‘ چوہدری محمد سرور ،

یوتھ آخری امید ہے ،5فیصد طبقے سے اختیارات لیکر 95فیصد عوام کو دینا ہونگے ‘ سابق گورنر پنجاب ، , 90فیصد سے زائد یوتھ عمران خان کے ساتھ ہے ،ہر ٹاؤن میں ٹائیگر ز فورس منظم کرینگے ‘ عبدالعلیم خان کا خطاب

لاہور ( اردو پوائنٹ تازہ ترین اخبار. 21 فروری 2015ء)تحریک انصاف کے مرکزی رہنما اور سابق گورنر پنجاب چوہدری محمد سرور نے کہا ہے کہ وطن عزیز کا نوجوان طبقہ ہماری آخری امید ہے اور یوتھ کی واضح اکثریت عمران خان اور تحریک انصاف کے سا تھ ہے وقت آگیا ہے کہ 68برسوں سے اقتدار پر قابض 5فیصد طبقے سے اختیارات چھین کر ملک کے 95فیصد عوام کو با اختیارات بنایا جائے ،گورنر شپ کے 17ماہ میں انہوں نے خود کو انتہائی بے بس محسوس کیا اور ایسے عہدے جس میں نا انصافی ختم کرکے عوام کو ریلیف نہ دیا جاسکے چھوڑ دینا چاہیئے،گذشتہ 68برسوں سے خواتین کا بھی استحصال ہو رہا ہے ہماری طالبات تعلیم کے شعبے میں بہت آگے ہیں کہ انہوں نے طلباء کو "ناک آوٹ "کر دیا ہے یوتھ کو بااختیار بنانے کا پی ٹی آئی کا منشور لائق تحسین ہے ۔

وہ تحریک انصاف لاہور آفس میں عمران ٹائیگرس فورس کے زیر اہتمام منعقدہ سیمنار سے خطاب کررہے تھے پی ٹی آئی لاہور کے صدر عبدالعلیم خان نے اپنے خطاب میں کہا کہ تعلیمی اداروں سے لیکر گلیوں ،بازاروں تک نوجوان کی 90سے زائد تعداد عمرا ن خان کے ساتھ ہے ،انہوں نے کہا کہ موجودہ حکومت کو نوجوانوں کو سود پر قرضے دینے کے علاوہ کوئی کام نہیں ،نوجوان عدم تحفظ کا شکار دکھائی دیتے ہیں ،حکمران من مانی پالیسیاں چلارہے ہیں جبکہ بے روزگار وں کی فوج تیار ہو رہی ہے ،عبدالعلیم خان نے عمران ٹائیگرس فورس کے قیام کو سراہتے ہوئے اسے ہر ٹاؤن میں مضبوط بنانے کے عزم کا عادہ کیا ۔

انہوں نے کہا کہ چوہدری محمد سرور نے گورنری چھوڑ کر ایک شاندار مثال قائم کی ایسی شخصیت کا پی ٹی آئی میں شامل ہونا ہم سب کیلئے خوشی کی نوید ہے ۔عمران ٹائیگر س فورس لاہور کی صدر ثانیہ کامران نے کہا کہ پہلی مرتبہ کسی سیاسی جماعت نے طالبات کو سیایسی سرگرمیوں کا عملی موقع دیا ہے اور اس کا آغاز لاہور شہر سے ہونا خوش آئیند ہے ہر تعلیمی ادارے سے طالبات عمران خان کے مشن کی تکمیل کیلئے باہر نکلیں گی اور پی ٹی آئی کا ووٹ بینک پہلے سے بھی زیادہ ہو گا انہوں نے لاہور کے ہر ٹاؤن میں گرلز عہدیداروں کی تقرری کا اعلان کیا اور عمران ٹا ئیگرس فورس کی سر پرستی پر پی ٹی آئی لاہور کے صدر عبدالعلیم خان کی کاوشوں کو سراہا ۔

ہماری قومی سیاسی تاریخ خواتین کی جدوجہد سے عبارت ہے اور تحریک انصاف میں عورتوں نے مردوں سے بڑھ کر کارکردگی کا مظاہرہ کیا ہے ۔عمرا ن ٹائیگرس فورس کی اراکین نے عمران خان اور پارٹی کے حق میں زبر دست نعرے بازی کی اور انتہائی جوش و خروش کا مظاہرہ کیا ۔اس موقع پر شعیب صدیقی ،فرخ جاوید مون ،میاں جاوید علی ،یامین ٹیپو ،مہناز رفیع ،عائشہ خالد اور لاہور ڈسٹرک کے عہدیداروں نے شرکت کی ۔

21/02/2015 - 20:55:12 :وقت اشاعت