- Home
- Islam
- Prayer Timings
- Ramadan
- Quran Kareem
- Hadith
- Hajj/Umrah
- Muslim Calandar
- Islamic Info
-
Naats
- Famous Naat Khawan
- Atif Aslam Naats
- Junaid Jamshed Naats
- Amir Liaquat Hussain Naats
- Abdul Rauf Rufi Naats
- Siddique Ismail Naats
- Yousaf Memon Naats
- Shehbaz Qamar Fareedi Naats
- Amjad Sabri Naats
- Khursheed Ahmed Naats
- Marghoob Hamdani Naats
- Waheed Zafar Qasmi Naats
- Owais Raza Qadri Naats
- Fasih Ud Din Soherwardi Naats
- Sami Yusuf Naats
- Listen Urdu Naats
- Arabic Naats MP3
- 12 Rabi-ul-Awal Naats MP3
- More
Ramzan - Mah E Fozaan - Article No. 3393
رمضان․․․ ماہ فوزان - تحریر نمبر 3393
باب رحمت کھلا آج کی رات ہے
منگل 28 اپریل 2020
اس ماہ مبارک میں نیکی ،بھلائی ،خیرو ہمدردی کا کوئی موقع ہاتھ سے نہیں جانا چاہیے ۔
(جاری ہے)
ارکان اسلام پر اسلام کی عمارت قائم ہے ،کسی ایک رکن(ستون)کا انکار مسلمان کو دائرہ اسلام سے خارج کر دیتاہے ۔روزہ رکن اسلام ہونے کے ساتھ ساتھ فرض بھی ہے ۔ارشاد باری تعالیٰ ہے :(ترجمہ)“اے لوگوں جو ایمان لائے ہو!تم پر روزہ رکھنا لکھ دیا گیا ہے ،جیسے ان لوگوں پر لکھا گیا تھا جو تم سے پہلے تھے،تاکہ تم بچ جاؤ۔“(البقرہ183)روزہ بطور سزا ہم پر فرض نہیں کیا گیا بلکہ اجرو ثواب اور تقویٰ کے حصول ،درجات کی بلندی اور نیکیوں میں اضافہ کے لئے فرض کیاگیا ہے ۔سابقہ امتوں پر بھی اللہ تعالیٰ نے روزہ فرض کیا تھا لیکن اس کے اوقات ،کیفیات اور تعداد میں فرق تھا۔ امت محمدیہ صلی اللہ علیہ وآلہ وسلم کے لئے آسانیاں زیادہ ہیں اور اسی طرح اجرت بھی زیادہ ہے ۔یہ اللہ تعالیٰ کی اپنے بندوں پر کمال شفقت ومہربانی ہے کہ اس نے اس عبادت کے ذریعے ان کو اپنے قرب کا موقع فراہم کیا اور اس ماہ مبارک میں آسمان اور رحمت کے دروازے کھول دیے۔رسول اللہ صلی اللہ علیہ وآلہ وسلم اللہ کا فرمان ہے:”جب رمضان کا مہینہ آتا ہے تو آسمان کے تمام دروازے کھول دیے جاتے ہیں ،جہنم کے دروازے بند کر دیے جاتے ہیں اور شیاطین کو زنجیروں میں جکڑ دیا جاتاہے۔“)بخاری ،باب سوم1899)
دوسری روایت میں کچھ یوں ارشاد فرمایا:”جب رمضان ہوتاہے تو رحمت کے دروازے کھل جاتے ہیں اور دوزخ کے دروازے بند ہو جاتے ہیں اور شیاطین زنجیروں میں بند ہو جاتی ہیں۔“(مسلم، کتاب الصیام)
ایک مسلمان کے لئے یہ سنہری موقع ہے ،رحمتیں سمیٹنے کا ،خیر جمع کرنے کا گناہ معاف کروانے اور جنت میں جانے کا۔رسول اللہ صلی اللہ علیہ وآلہ وسلم نے فرمایا:”پانچوں نمازیں ،جمعہ سے دوسرے جمعہ تک اور رمضان دوسرے رمضان تک ان گناہوں کا کفارہ ہیں جو ان کے درمیان ہوں ،جب تک کبیرہ گناہوں سے اجتناب کیا جائے۔“(مسلم،کتاب الطہارة)
نماز پنجگانہ،جمعہ اور رمضان المبارک میں کی جانے والی عبادات مسلمان کے لئے کفارہ ہیں لیکن افسوس اس بات پر ہے کہ آج لوگ نماز وروزہ سے دور بھاگتے ہیں،رمضان المبارک میں نماز اور روزہ کے قریب نہیں جاتے ،مسجد کا منہ نہیں دیکھتے اور دن میں کھاتے پیتے نظر آتے ہیں۔بعض تولاری اڈوں اور اسٹیشنوں کے ہوٹلز آباد کیے ہوئے ہوتے ہیں اور مقیم مسافر ہونے کے باوجود مسافر کا روپ دھار لیتے ہیں ،یہ صریحاً اللہ تعالیٰ کے عذاب کو دعوت دینے کے مترادف ہے ،جبکہ ر وزہ عذاب الٰہی اور جہنم سے بچنے کے لئے ڈھال ہے ۔ارشاد نبوی صلی اللہ علیہ وآلہ وسلم ہے:”روزہ ڈھال ہے ،اس کے ذریعہ بندہ(مسلمان)جہنم کی آگ سے بچ جاتاہے۔“(صیح الجامع)
دوسری روایات کچھ اس طرح کی ہے :”روزہ اللہ رب العزت کے عذاب سے بچاؤ کی ڈھال ہے۔“(صیح الجامع)
اللہ تعالیٰ کی پکڑ ،عذاب اور گرفت سے وہی محفوظ ہوگا جو فرائض ادا کرے گا ،ماہ مبارک کا احترام کرے گا، عبادات کو خشوع وخضوع سے پورا
کرے گا اور فواھڑومنکرات سے اجتناب کرکے اللہ تعالیٰ کے احکام وفرامین پر عمل پیرا ہوگا۔ روزہ جس طرح مسلمان کو اللہ تعالیٰ کی پکڑ سے محفوظ رکھتااور گناہوں سے ڈھال بن جاتا ہے بالکل اسی طرح آزمائش وامتحان کے موقع پر کفارہ وچھٹکارہ بن جاتاہے ۔ارشاد نبوی صلی اللہ علیہ وآلہ وسلم ہے :”آدمی کی آزمائش ہوتی ہے ،اس کے بچوں کے بارے میں ،اس کے مال اور پڑوسی میں ،ان کا کفارہ نماز ،روزہ اور صدقہ ہیں۔“(بخاری ،کتاب الصوم1890) یعنی تین چیزوں سے مسلمان کی آزمائش ہوتی ہے تو کفارہ بھی تین چیزیں ہی بنیی ہیں ۔ان کو باقاعدگی کے ساتھ ادا کرنے کااہتمام کیا جائے تو انسان آزمائشوں سے بچ جاتاہے اور اللہ تعالیٰ کی حفظ وامان میں آجاتاہے۔آزمائش سے کیا مراد ہے؟اس کا مطلب یہ ہے کہ اللہ تعالیٰ ان چیزوں کے ذریعے اپنے بندوں کو آزماتاہے اور ان کا امتحان لیتاہے ،جیسا کہ اللہ تعالیٰ نے ارشاد فرمایا:”تمھارے مال اور اولاد تو محض ایک آزمائش ہیں۔“(سورة التغابن:15)
اولاد کے مسئلہ میں آزمائش یہ ہے کہ انسان نے اپنی اولاد کی تربیت کیسی کی ہے ،تعلیم وتزکیہ کا کیا اہتمام کیا ہے ،ان کی جائز ضروریات کو پورا کیا ہے یا نہیں؟ان کو اللہ تعالیٰ کی توحید سے آگاہ کیا اور اس کے احکامات پر عمل پیرا ہونے کا کہا اور کیا نماز کی ادائیگی اور دیگر فرائض کی تکمیل کا پابند بنایا ہے؟(جاری ہے)
Browse More Islamic Articles In Urdu
رمضان المبارک اور اُس کے آداب
Ramzan Ul Mubarak Aur Uss Ke Adaab
ولادت باسعادت مدینہ علم کا دروازہ۔مولا علی رضی اللہ عنہ
Wiladat Basadat Madina Ilam Ka Darwaza - Maula Ali RA
شب قدر۔ فضائل مسائل
Shab e Qadar - Fazail Masail
رمضان کا عشرہ مغفرت !
Ramzan Ka Ashra Maghfirat
شب برات کی عظمت وفضیلت
Shab e Barat Ki Azmat O Fazeelat
شعبان المعظم استقبال رمضان کا مہینہ
Shaban Al Muazzam
سردی اور روزہ
Sardi or Roza
حب رسول ( صلی اللہ علیہ و آلہ و سلم)
Hub e Rasool SAW
صفرکامہینہ اور توہمات
Safar Ka Mahina Or Tohmaat
محرم الحرام اور عاشورہ کی فضیلت اور تاریخی پس منظر
Moharram Ul Haram Or Ashura Ki Fazeelat
اسلامی سال نو کا آغاز
Islami Saal e Nau Ka Aghaz
سکھائے کس نے اسماعیل کو آداب فرزندی
Sikhaye Kis Ne Ismail Ko Adaab e Farzandi