چکوال، موٹرسائیکل و گاڑیاں چوری کرنیوالا ایک بڑا گروہ گرفتار

منگل 26 مارچ 2024 00:25

چکوال(اُردو پوائنٹ اخبارتازہ ترین - این این آئی۔ 26 مارچ2024ء) ڈی پی او چکوال کیپٹن-(ر )واحد محمود نے بتایاہے کہ موٹرسائیکل اور گاڑیاں چوری کرنے والا ایک بڑا گروہ گرفتار کرلیاگیا ہے جن کے قبضے سے 45موٹرسائیکل، تین رکشے اور پچاس سے زائد موٹرسائیکلوں کے پرزے برآمد کرلیے گئے ہیں۔ وہ تھانہ سٹی چکوال میں پرہجوم پریس کانفرنس سے خطاب کررہے تھے۔

اس موقع پر ڈی ایس پی صدر سرکل محمد ندیم ملک اور ایس ایچ او تھانہ سٹی ملک ضمیر حسین بھی موجود تھے۔

(جاری ہے)

ڈی پی او نے بتایا کہ مذکورہ گروپ لوگوں سے پرس اور موبائل فون بھی چھین لیتا تھا جس کے 21 مقدمات میں مال مسروقہ برآمد کرلیاگیا ہے۔ انہوں نے بتایا کہ تین رکنی گینگ ضلع اٹک سے وارداتیں کرنے چکوال آیا تھا اور انکے قبضے سی27لاکھ روپے مسروقہ بھی برآمد کیے گئے ہیں۔ ڈی پی او نے ایک اور سوال کے جواب میں بتایا کہ پتنگ بازی اور پتنگ فروشی کی42مقدمات اب تک درج کیے جاچکے ہیں جس میں ملزمان سی7ہزار 347پتنگیں اور 145ڈوریںبھی برآمد کی گئی ہیں۔ انہوں نے بتایا کہ ماہ مارچ کے دوران ابھی تک71مجرمان اشتہاری اور 139 عدالتی مفرور بھی گرفتار کیے جاچکے ہیں۔