وزیراعلیٰ خیبرپختونخوا نے چترال ضلع کا جامع سروے کرنے کا حکم دیدیا
حکومت نے سیلاب سے تباہ شدہ انفراسٹرکچر کی بحالی ،متاثرہ آبادی کو محفوظ مقامات پر منتقل کرنے کیلئے حکمت عملی طے کرلی چترال میں سیلاب سے تباہ ہونیوالی سڑکوں، پلوں ،دیگر سہولتوں کی بحالی برسوں کے بجائے مہینوں ،ہفتوں میں مکمل کرنے کی حکمت عملی پر عمل پیرا ہیں ،پرویزخٹک
ہفتہ 25 جولائی 2015 18:27
چترال(اُردو پوائنٹ اخبار تازہ ترین۔ 25 جولائی۔2015ء) وزیراعلیٰ خیبرپختونخوا پرویز خٹک نے پورے چترال ضلع کا جامع سروے کرنے کا حکم دیا ہے تاکہ اُن علاقوں اور بنیا دی سہولتوں کی نشاندہی کی جا سکے جنہیں سیلاب سے زیادہ خطرہ ہے اور ایسی سہولتوں کو محفوظ بنانے کیلئے پائیدار بنیادوں پر پیش بندی کی جاسکے اُنہوں نے چترال میں آنے والے سیلا ب کو ماضی کے مقابلے میں زیادہ خطرناک قراردیتے ہوئے کہاکہ اس آفت سے آسانی سے نکلنا مشکل امر ہے تاہم صوبائی حکومت نے سیلاب سے تباہ شدہ انفراسٹرکچر کی بحالی اور متاثرہ آبادی کو محفوظ مقامات پر منتقل کرنے کیلئے حکمت عملی طے کرلی ہے جس میں پاک فوج بھی صوبا ئی حکومت کی پوری مدد کر رہی ہے چترال میں پاکستان تحریک انصاف کے رہنما رحمت غازی کی قیادت میں ضلعی عہدیداروں اور کارکنوں کے وفد سے بات چیت کرتے ہوئے وزیراعلیٰ پرویز خٹک نے کہاکہ وہ چترال میں سیلاب سے تباہ ہونے والی سڑکوں، پلوں اور دیگر سہولتوں کی بحالی برسوں کے بجائے مہینوں اور ہفتوں میں مکمل کرنے کی حکمت عملی پر عمل پیرا ہیں تاکہ متاثرہ آبادی کا دوسرے علاقوں سے رابطہ بحال ہو سکے رکن صوبائی اسمبلی فوزیہ بی بی بھی اس موقع پر موجود تھیں وزیراعلیٰ نے بتایا کہ اس مقصد کیلئے اُنہوں نے چترال میں اپنے تین روزہ قیام کے دوران تمام متعلقہ محکموں کیلئے اہداف مقرر کرکے انہیں پوری طرح متحرک کردیا ہے جس کے نتائج آنا بھی شروع ہو گئے ہیں جبکہ پاکستان آرمی کی مدد بھی حاصل کی گئی ہے اُنہوں نے بتایا کہ ایک معاہدے کے تحت پاکستان آرمی کا تعمیراتی ادارہ ایف ڈبلیواو حکومت خیبرپختونخوا کو سیلاب میں بہہ جانی والی تین اہم اور بڑی سڑکیں ہنگامی بنیادوں پر بحال کرکے دے گا اُنہوں نے کہا کہ پاک فوج کے ساتھ صوبائی حکومت کے اس اشتراک سے نہ صرف متاثرہ سڑکوں کی بہت جلد مرمت اور بحالی ممکن ہو سکے گی بلکہ ان کا اعلیٰ تعمیراتی معیار بھی یقینی ہو گا پرویز خٹک نے بتایا کہ صوبے میں مزید بارشوں کے امکانات اور سیلاب کے خطرے کے باعث خیبرپختونخوا حکومت کی تمام متعلقہ مشینری کو پوری طرح الرٹ کر دیا گیا ہے اور کسی بھی ہنگامی صورتحال سے نمٹنے کیلئے اربوں روپے مختص کر دیئے گئے ہیں اُنہوں نے کہاکہ چترال میں مرمت اور بحالی کے تمام کام ایک سکیم کے تحت شروع کئے گئے ہیں اور ترجیحات مرتب کر کے ہنگامی نوعیت کے کام پہلے شروع کئے جارہے ہیں وزیراعلیٰ نے چترال کے سیلاب میں قیمتی انسانی جانوں کے ضیاع پر دُکھ اور افسوس کا اظہار بھی کیا اور وفد کو یقین دلایا کہ حکومت متاثرین کے نقصانات کا بھی اندازہ لگارہی ہے وزیراعلیٰ نے بتایا کہ چترال کے ڈسٹرکٹ ہیڈکوارٹر زہسپتال کو اپ گریڈ کیا جائے گا اور نئی ہیلتھ پالیسی کے تحت اس ہسپتال کو بھی خود مختار بنایا جائے گا اُنہوں نے کہاکہ چترال کے نومنتخب بلدیاتی اداروں کو اپنے وسائل کے علاوہ صوبائی حکومت کی جانب سے نوے کروڑ روپے فراہم کئے جائیں گے جس کے بعد چترال کو صوبائی حکومت سے کچھ مانگنے کی ضرورت نہیں پڑے گی اور نہ ہی چھوٹے چھوٹے کاموں کیلئے وزیراعلیٰ کو درخواستیں دینے کی ضرورت پڑے گی وزیراعلیٰ نے کہاکہ ٹمبر مافیا کو پکڑنا آسان کام نہیں اسلئے صوبائی حکومت ایک نیا قانون وضع کر رہی ہے جس کے تحت ٹمبر مافیا کی نشاندہی کرنے اور غیر قانونی طور پر کاٹی گئی لکڑی پکڑوانے والے شخص کو برآمد شدہ لکڑی کی قیمت کا 30 فیصد حصہ انعام کے طورپر ملے گا۔
متعلقہ عنوان :
چترال میں شائع ہونے والی مزید خبریں
آر پی ایم آغاخان ایجنسی فار ہیبیٹاٹ نے ٹینٹ ڈپٹی کمشنر لوئر چترال کے حوالے کردیئے
فرنٹیئر کور نارتھ خیبرپختونخواہ کی جانب سے انسداد اسمگلنگ کی کاروائیاں
چترال ،بارشوں سے چار اموات ،درجنوں زخمی،کئی مکانات منہدم
ڈپٹی کمشنر چترال لوئر کا عوام کو ریلیف فراہمی، قیمتوں کا جائزہ لینے کیلئے رمضان مانیٹرنگ ڈیسک، بازار ..
ڈپٹی کمشنر چترال لوئر کا عوام کو ریلیف فراہمی، قیمتوں کا جائزہ لینے کیلئے رمضان مانیٹرنگ ڈیسک، بازار ..
حکومت پنجاب کپاس کی پیداوار میں اضافہ کو اپنی اولین ترجیح کے طور پر لئے ہوئے ہے
سیکرٹری کلچر اینڈ ٹورازم کی زیر صدارت شندور فیسٹیول کی تیاریوں کے حوالے سے زوم میٹنگ کا انعقاد
چترال میں سنو پختونخوا ایف ایم 96 سٹیشن کا باقاعدہ افتتاح کردیا گیا
چترال ، نوجوان ایکسکیویٹر ڈرائیور سڑک سے برف ہٹانے کے دوران حادثے کا شکار ہو کر جاں بحق
سات سیکرٹریزحکومت ایک صدارتی مشیر تبدیل،دو ایس پیز احتساب بیورو میں تعینات مزید تبادلوں کے لیے سر جوڑ ..
وزیراعظم آزاد کشمیر چوہدری انوارالحق نے 120میٹر شاہ سلطان برج مظفرآباد کا افتتاح کر دیا
صوبائی اسمبلی کی تاریخ میں پہلی خاتون ڈپٹی سپیکر ثریا بی بی کا دورہ چائنہ ونڈو
چترال سے متعلقہ
پاکستان کی تازہ ترین خبریں
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
تحریک انصاف کا 9 مئی کو جلسہ عام کے انعقاد کا فیصلہ
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
چیئرمین پی سی بی نے پاکستان ویمنز کرکٹ ٹیم کی سلیکشن کمیٹی تحلیل کر دی،7 رکنی نئی سلیکشن کمیٹی تشکیل
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت