پاک ترک تعلقات کو نئی بلندیوں تک لے جانے کا آغاز ہو گیا ہے‘سی پیک منصوبہ علاقائی روابط کے فروغ کیلئے نہایت اہم ہے.شہبازشریف
پی این ایس بدر پاکستان اور ترکی کے اشتراک کی بہترین مثال ہے، پاک ترک تعلقات کو نئی بلندیوں تک لے جانے کا آغاز ہوگیا ہے.وزیراعظم کا کراچی شپ یارڈ اینڈ انجینئرنگ ورکس میں پاک بحریہ کے تیسرے ملجم کلاس کارویٹ بحری جہاز پی این ایس بدر کی لانچنگ تقریب سے خطاب
میاں محمد ندیم جمعہ 20 مئی 2022 18:50
(جاری ہے)
وزیراعظم نے کہا کہ اس تقریب میں شرکت کرنا میرے لئے اعزاز کی بات ہے، پاک بحریہ کے سربراہ، ترک کمپنی اور شپ یارڈ کے عملے کو اس عظیم کامیابی پر مبارکباد پیش کرتا ہوں انہوں نے کہا کہ پی این ایس بدر پاکستان اور ترکی کے اشتراک کی بہترین مثال ہے، پاک ترک تعلقات کو نئی بلندیوں تک لے جانے کا آغاز ہوگیا ہے، ترکی کے صدر رجب طیب اردوان پاکستان کے بھائی اور دوست ہیں اور وہ پاکستان کاز کے بڑے حامی ہیں، ان کے دور میں دوطرفہ برادرانہ تعلقات کو استحکام حاصل ہوا ہے اور ہمارے تعلقات خارجہ پالیسی سے جہاز سازی اور ٹرانسپورٹ سے صحت عامہ کے شعبوں تک پھیل گیا ہے اور دوطرفہ تعلقات کو باہمی فائدے کیلئے ہم عظیم بلندیوں پر لے جائیں گے، پی این ایس بدر کی لانچنگ سے پاک ترک تعلقات میں نئے دور کا آغاز ہوگیا ہے.
انہوں نے کہا کہ پاکستان اور ترکی ایک قوم ہیں جو دو مختلف ملکوں میں رہتی ہے، کورونا کے دوران جہاز کی تیاری دونوں ملکوں کی بڑی کامیابی ہے اور پاک بحریہ اور ترکی کی کمپنیوں کے درمیان تعاون سے ہمارے تعلقات مزید مستحکم ہوں گے اور ہم ترکی کی مہارت اور ٹیکنالوجی سے استفادہ کریں گے، پاکستان کی طویل ساحلی پٹی ہے، تجارتی اور صنعتی سرگرمیوں کو فروغ دے کر ہم آگے بڑھ سکتے ہیں. انہوں نے کہا کہ سی پیک منصوبہ علاقائی روابط کے فروغ کیلئے نہایت اہم ہے اور گوادر اس کا مرکز بن رہا ہے، سی پیک کو ترکی تک وسعت دی جا سکتی ہے جس سے علاقہ کے لوگوں کو فائدہ ہو گا انہوں نے کہا کہ پاکستان اور ترکی کے عوام کے فائدہ کیلئے دفاع، خارجہ پالیسی اور صحت عامہ کے شعبوں میں کثیر طرفہ تعاون نئی بلندیوں کو چھو رہا ہے، پی این ایس بدر کی لانچنگ سے کراچی پورٹ اور پورٹ قاسم میں میری ٹائم سرگرمیاں بڑھیں گی جس سے مالیاتی اور صنعتی ترقی کو فروغ ملے گا، یہ سنگ میل عبور کرنے پر پاک بحریہ کے سربراہ، ان کی ٹیم اور وزیر دفاع کی کاوشیں قابل تحسین ہیں، پاکستان کی حکومت ملک میں اقتصادی رابطے بڑھانے کیلئے بنیادی ڈھانچہ کو وسعت دے رہی ہے، ترکی کے ساتھ تعاون کے مثبت اثرات مرتب ہوں گے، ، ترکی کے ساتھ برصغیر کے مسلمانوں کے تعلقات قیام پاکستان سے پہلے کے ہیں اور جلد پاکستان کی ترقی اور خوشحالی میں ترکی کا بڑا حصہ ہوگا. انہوں نے کہا کہ ترکی نے 2005 کے زلزلے اور 2010 میں سیلاب کی تباہ کاریوں کے بعد پاکستان کی بھرپور مدد کی اور صدر رجب طیب اردوان اور ان کی اہلیہ نے سیلاب سے متاثرہ علاقوں کا دورہ بھی کیا تھا اور ترک خاتون اول نے متاثرین کیلئے نیکلس کا عطیہ بھی دیا، یہ ہماری تاریخ کے وہ یادگار لمحات ہیں جنہیں فراموش نہیں کیا جا سکتا اس موقع پر وزیراعظم نے کراچی شپ یارڈ اینڈ انجینئرنگ ورکس کے عملے کیلئے 10 کروڑ روپے کا بھی اعلان کیا. پاک بحریہ کے سربراہ ایڈمرل امجد خان نیازی نے کہا کہ پاکستان اور ترکی کے درمیان دفاعی تعلقات فروغ پا رہے ہیں، پاک بحریہ ملکی دفاعی ضروریات پوری کرنے کیلئے مکمل طور پر تیار ہے، قومی ضروریات پوری کرنے میں کراچی شپ یارڈ کا اہم کردار ہے اس موقع پر ترکی کے صدر رجب طیب اردوان کا پیغام بھی پڑھ کر سنایا گیا . انہوں نے یقین دلایا کہ ترکی پاکستان کے ساتھ عسکری تعاون کو فروغ دے گا ترکی اور پاکستان کے درمیان تاریخی تعلقات کا ذکر کرتے ہوئے انہوں نے کہا کہ یہ منصوبہ دونوں ممالک کے مضبوط اور مستحکم تعلقات اور تعاون کی ایک بڑی مثال ہے، پاکستان جغرافیائی محل وقوع کے لحاظ سے جنوبی ایشیا کا ایک اہم ملک ہے اور پاکستان اور پاکستان کے عوام کی ہمارے نزدیک بہت اہمیت ہے. انہوں نے کہا کہ اس منصوبہ کے تحت دوسرا بحری جہاز ستمبر میں استنبول میں لانچ کیا جائے گا اس موقع پر ترکی کے وزیر دفاع ہلوسی آلہ کار نے کہا کہ پاکستان اور ترکی کے تعلقات ایک نئے مرحلہ میں داخل ہو گئے ہیں، پی این ایس بدر پاک بحریہ کی دفاعی صلاحیت کو مضبوط بنانے اور علاقہ میں امن و استحکام میں مددگار ثابت ہو گا، یہ جہاز جدید ٹیکنالوجی سے آراستہ ہے، 2023، 2024 اور 2025 میں بحری جہاز بھی لانچ کئے جائیں گے. انہوں نے کہا کہ جدید ٹیکنالوجی پر انحصار دنیا میں بڑھتا جا رہا ہے، ہماری دفاعی صنعت اعلیٰ معیار کی حامل ہے، ترکی کے عوام پاکستان کو بہت اہمیت دیتے ہیں اور ہمارے باہمی تعلقات کی نوعیت دیگر ممالک سے مختلف ہے، دونوں ممالک نے ہر مشکل گھڑی میں ایک دوسرے کا ساتھ دیا ہے، صدر رجب طیب اردوان کی قیادت میں ترکی نے ہر شعبہ میں ترقی کی ہے، توقع ہے کہ دونوں ممالک ایسے مزید منصوبوں پر بھی کام کریں گے جس سے دونوں ممالک کی دوستی اور پاکستان کی دفاعی قوت میں اضافہ ہو گا.متعلقہ عنوان :
کراچی میں شائع ہونے والی مزید خبریں
رواں سال ڈکیتی کے دوران قتل کے46 مقدمات درج ہوئے،آئی جی سندھ
منگھوپیر پولیس نے چھاپہ کے دوران کار سرکار میں مداخلت پر 3 ملزمان کو گرفتار کرلیا
کراچی ، ایرانی کیمپ میں پولیس کومبنگ و سرچ آپریشن کے دوران 40 مشتبہ افراد حراست میں لے لئے گئے
کراچی پولیس نے مبینہ پولیس مقابلوں کے دوران 2 سٹریٹ کریمنلز کوگرفتار کرلیا
کراچی ، بینکوں سے رقم لیکرنکلنے والے شہریوں کو لوٹنے والاا تین رکنی گروہ گرفتار
شہری کو اغوا کرنے میں ملوث سب انسپکٹر سمیت3 اے ایس آئیز نوکری سے برخاست
سرسید یونیورسٹی کے ستائیسویں کانووکیشن کے موقع پر 1100 سے زائدطلباء و طالبات کو ڈگریاں تفویض کی گئیں۔
ٴْایمپلائز ویلفیئر ایسوسی ایشن جامعہ کراچی کا مطالبات کی منظوری تک قلم چھوڑ ہڑتال کا اعلان
=وزیر داخلہ سندھ ضیاء الحسن لنجار کی زیر صدارت امن وامان کے حوالے سے منعقدہ اجلاس میں حزب اختلاف سندھ ..
مظلوم فلسطینیوں کے مسئلے پر پوری دنیا میں سیاست ہو رہی ہے،بلال سلیم قادری
جماعت اسلامی ویمن ونگ کی جانب سے (آج)کراچی پریس کلب میں عید ملن ہوگی
اسٹیل ملز انتظامیہ ٹاؤن شپ کے گیس کنکشن مستقل بنیادوں پر بحال کرے ،ْ منعم ظفر خان
کراچی سے متعلقہ
پاکستان کی تازہ ترین خبریں
-
اسلام آباد ہائیکورٹ کے ججز کے خط پر فل کورٹ کی تشکیل سے گریز،عدالتی امور میں انٹیلیجنس ایجنسیوں کی مداخلت کے حوالے سے چیف جسٹس آف پاکستان کا بیان
-
پاکستان کی ترقی کے سفر میں رخنہ ڈالنے والوں کی تمام کوششیں ناکام ہوں گی
-
کراچی: سابق شوہر نے بیوی کوچھریوں کے وار کرکے قتل کردیا
-
آئین میں کہاں لکھا ہے کابینہ قانون سے بالاترہے۔ چیف جسٹس
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
اوپن یونیورسٹی نے داخلوں کی تاریخ میں 15مئی تک توسیع کردی
-
ریاستہائے متحدہ امریکہ اورپاکستان کے درمیان ٹریڈ اینڈ انویسٹمنٹ فریم ورک ایگریمنٹ (ٹی آئی ایف ای) کا بین المذاکرہ اجلاس
-
مارگلہ کی خوبصورت پگڈنڈیوں کو محفوظ بنانے کے لیے مارگلہ ٹریل پٹرول کا آغاز کر رہے ہیں ، وفاقی وزیرداخلہ محسن نقوی کا ٹویٹ
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
وزیراعلی مریم نواز شریف نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
ایف بی آرکا ٹریک اینڈ ٹریس سسٹم ناکام