k نیوزی لینڈکی پاکستان کو وائٹ بال کرکٹ سیریز کی پیشکش

اتوار 21 مئی 2023 18:55

xلاہور (اُردو پوائنٹ اخبارتازہ ترین - آن لائن۔ 21 مئی2023ء) نیوزی لینڈکرکٹ نے پاکستان کو وائٹ بال کرکٹ سیریز کی پیشکش کی ہے۔ میڈیارپورٹ کے مطابق دونوں بورڈز کے درمیان سیریز کے لیے مثبت پیش بات چیت جاری ہے ۔چیئرمین پی سی بی نجم سیٹھی براہ راست سیریز کے حوالے سے معاملات پر نیوزی لینڈ کرکٹ حکام سے بات کر رہے ہیں، نیوزی لینڈ کرکٹ نے پاکستان کو آسٹریلیا کے دورے کے اختتام پر نیوزی لینڈ میں سیریز کھیلنے کی پیشکش کی ہے۔

(جاری ہے)

ذرائع کا کہنا ہے کہ ،وائٹ بال سیریز میں 3 ون ڈے یا 5 ٹی ٹوئنٹی میچز پر بات چیت جاری ہے ممکنہ طور پر ٹی ٹوئنٹی ورلڈ کپ کی تیاری کے سلسلے میں ٹی ٹوئنٹی سیریز کھیلی جا سکتی ہے۔ ذرائع کے مطابق نیوزی لینڈ کرکٹ کے دعوت نامے کے بعد پی سی بی اسٹیک ہولڈرز سے مشاورت کر رہا ہے اگلے چند روز میں سیریز کو حتمی شکل دیے جانے کا امکان ہے۔ پاکستان آسٹریلیا کا تیسرا ٹیسٹ 7 جنوری کو سڈنی میں ختم ہو گا ،نیوزی لینڈ کے پاس ساؤتھ افریقہ کی میزبانی سے قبل ایک ونڈو ہے۔ذرائع کا مزید کہنا ہے کہ جنوری کے دوسرے ہفتے کی ونڈو میں نیوزی لینڈٹیم وائٹ بال سیریز کے لیے پاکستان کی میزبانی کا خواہش مند ہے۔